Mmarare 7:14 - mzwDBL

¹⁴ Korowii ɛɛ swee heyaa andɛɛɡaa ɡwaa harɛ nɔ ta nɛra, bɛlbwa toole dɛ́ ɡwaa heyaa kondɔɔh ta, he bini baala ne haahna bɛlbwa toole waa wola lolɛ, hale he kondɛɛra kwara.

Mmarare 7:14 Referans Kwoze

Mmarare 28:4

Wɛɛ swee andɛɛɡaa tɛ heya dɛ́ tɛ heyaa lol, dɛ́ berɛ ɡel he kooni do wer, ásɛ he kondɛɛra kɛŋɔ nae ne peera ya.

Yela 127:3

Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Lewi Dea Tena 26:9

Mɛɛ nyiŋi he nɛɛ dɛ́ ɡel he mun ya kohona, ásɛ n ne he fɔo yaa fɔwɛ la che.

Mmarare 33:29

Israel tena, he na som to. Nomɛlbwa ta heyaa tele, he ɛ nɛra Korowii aa lɛ heya. O ɡbaɡbaa he ɡbemɡbe ne he tokobi. Onee dɛ́ lɛ heya dɛ́ ɡel he yo le. He dɔma ɛɛ ba ɡuŋi he siee, dɛɛ soŋe ŋɔ he sune ba nɛ, ásɛ he tiɡri ba nɛ.’ ”

Yela 115:15

Korowii waa ta nyundua ne harɛ la, swee heya andɛɛɡa.

Yela 107:38

O swee ba andɛɛɡa ba dɔ bii kohona, ba nae ɡe ya kohona.

Nɛra Kura 22:12

Korowii ŋɔ Balam be ŋɔ, “Bɛ ban pu kaa, bɛ nɛra la ɡe toma tomɛ. Israel tena ɛ nɛra maa swee andɛɛɡa tɛɛ ba.”

Mmarare 30:9

Wɛɛ ɡeloo he do wer wobɛlbwa haa ɛ ta, dɛ́ ɡel he dɔ bii ne kondɛɛra kohona, he koo kondikwaa ɡe ɛ kohona. Korowii sie ɛɛ lɛ he nɛɛ ja, ásɛ dɛ ɡel he do wer wobɛlbwa ta, ɡɛ o fe aa liira tɛ he naawa la,