Mmarare 6:6 - mzwDBL

⁶ Mmarare nɔ maa kpɔa dɛɛ tɛ heyaa fini nɔ chɛ kɛŋɔ á do he bambili bini hɛ́ɛ teŋɛ a ta dɛ bɛ soh.

Mmarare 6:6 Referans Kwoze

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Sɛɡla 7:3

Kpɔa do kɛŋɔ noniseɡ, dɛ́ ɡel a do he bambile bini.

Mmarare 11:18

Hé kpɔ waa nɔ do he nyuune ne bambili bini dɛɛ liira, hé ɛa kɛŋɔ nɔnloɡ dɛ́ kpɔ do nɔɔra, dɛ́ kpɔa vɔwɛ hé tili ta á ɛ waa chɔ dɛ́ɛ lii heya.

Yela 37:31

Korowii baa dɛ tomɔ Mmara lɔ ba bambile bini, baa an kpɔe dɛɛ ta bwa.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

Mmarare 32:46

o ŋɔ ba be ŋɔ, “Hé nyiŋi kɛrɛdɛ kɛŋɔ hɛɛ teŋɛ ɡɛ waa maa dɛ do heyaa a ta fini nɔ taa. Hé kpɔ do he bii ásɛ ba ɡee teŋɛ Korowii webaɡla la ta kɛrɛdɛ.

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Sɛɡla 3:5

Bɛ he te kpɔ dawɛ anɔ la haa jema ta, kpɔ he hwɛɡa bwa do Korowii nɛ.

Amanesoma Luk Aa Chwera Tɔn 2:51

Belaa Yeesu ir ba chiɡ ŋwɛnɛ ta dɛ kaa Nasarɛt. Waa lɔ o nya ne o mɛɛ be la, dɛ o dɛ no ba deŋna wa. O nya kpɔ waa la bwa do o nyu bini dɛɛ kara.

Yela 119:98

He Mmarare la lɔ n liire bini tɔpere bɛlbwa, dɛ ɡel n dɔ wejema, dɛ ɡwaa n dɔma.

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

2 Samoɛl 22:23

N dɛ teŋɛ o Mmarare bwa ta, n ta waa waa do mɛ a ta ɡelɛ.

Mmarare 11:20

Hé chwera dawɛ he deene ɡbeni daa ta ne he ɡbeni ta,

Yela 119:13

Mɛɛ dɛɛ bol he waa haa kpɔa baɡ mɛ laanee nɛra be.

Yela 119:30

N dɛ nyin kɛ n waa dɔ kasinteŋ, dɛ kpɔ n te dawɛ he waa ta.