Mmarare 6:18 - mzwDBL

¹⁸ Hɛ́ɛ ɛ anɔ la Korowii aa ŋɔa a wer dɛɛ su o siwi, ásɛ a chiɡ heyaa kɛrɛdɛ he won lɛ harɛdɛɛɡe waa baɡɛ he naawa nyoa dɛ ŋwɛɛ o waa la wa,

Mmarare 6:18 Referans Kwoze

Mmarare 4:40

Hɛ́ɛ teŋɛ o Mmarare bwa maa dɛ bol he be fini nɔ ta, ásɛ a do wer tɛ he ne he bii ne naanar baa ka ba, ásɛ he won so harɛ waa kpɔa dɛɛ ba heyaa tɛɛ la ta saŋ bɛlbwa.”

Mmarare 12:25

He bɛ an di, ásɛ a chiɡ he ne he bii ba taa dɛ ba bala la kɛrɛdɛ. He dɛ ɛ ɡɛ naa, dɛ he dɛ ɛ waa aa wera Korowii be.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Mmarare 5:29

Dɛ ba pɛla fe ɛɛ lawɔɔ saŋ bɛlbwa dɛɛ duu mɛ, dɛɛ teŋɛ n waa bwa ta naa, ba ne ba naanar wobɛlbwa fe ɛɛ maɡroo tɛɛ ba.

Amanesoma Jɔn Aa Chwera Tɔn 8:29

Naate waa tom mɛ la ja n nɛ, o ta men tae, dɛkalkɛ n dɛ ɛ anɔ la aa dɛ too o tea.”

Ɛsekeɛl 33:19

Gɛɛ dɛ wechɔɡ-ɛɛ ɡel wechɔɡa ɛɛ dɛɛ ɛ anɔ la aa wera dɛ toɡre aa, wɛɛ dɔ o nyuu.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Ɛsekeɛl 33:16

Mɛɛ kpɔ o wechɔɡa waa ɛa la bɛlbwaa kɛo, wɛɛ dɔ o nyuu dɛkalkɛ o ɛ waa aa wera dɛ toɡre.

Ɛsekeɛl 33:14

N ŋɔ wechɔɡ-ɛɛ be ŋɔ wɛɛ sewɔɔ, asɛ o le o wechɔɡa la ta dɛɛ ɛ anɔ la aa wera dɛ toɡre,

Ɛsekeɛl 18:27

Kɛ dɛ wechɔɡ-ɛɛ charɛ o liire le wechɔɡa waa ɛa ta, dɛɛ ɛ anɔ la aa wera dɛ toɡre aa, wɛɛ dɔ o nyuu.

Ɛsekeɛl 18:21

Kɛ dɛ wechɔɡ-ɛɛ ɡel wechɔɡa waa ɛa, dɛɛ teŋɛ me Mmarare bwa ta, dɛɛ ɛ anɔ la aa toɡra dɛ do wer aa, wɛɛ dɔ o nyuu kɛrɛdɛ, waa sewɛ.

Ɛsekeɛl 18:5

Dɛ nomɛl we-ɛɛla toɡrɔ wɛɛ ɛ waa aa dɔ kasinteŋ o waa do wer,

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Mmarare 13:18

dɛkalkɛŋɔ he dɛ no Korowii haa dɛ tomɔ nɔ deŋna waa, dɛɛ teŋɛ o waa bwa maa kpɔa dɛɛ tɛ heyaa fini nɔ ta, dɛɛ ɛ anɔ la aa toɡra o be.”

Mmarare 12:28

Hé nyiŋi kɛrɛdɛ dɛɛ teŋɛ waa maa ŋɔ he be bwa ta, ásɛ a chiɡ he ne he bii ba taa dɛ ba bala bwa kɛrɛdɛ, ɡɛ haa dɛ ɛ waa aa wera dɛ toɡre Korowii haa dɛ tomɔ nɔ be.

Mmarare 8:11

Hé nyiŋi kɛrɛdɛ kɛŋɔ haa Korowii haa dɛ tomɔ la waa soh, dɛ́ ba vɛh o Mmarare maa kpɔa dɛɛ tɛ heyaa fini nɔ.

Mmarare 5:33

Waa Korowii aa do heyaa a ta la taa chɛ kɛŋɔ hé do sie, ásɛ dɛ dɔ he nyu á chiɡ heyaa kɛrɛdɛ, dɛ́ dɔ mkpajaŋ harɛ haa dɛ la ka so o ta la.”

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Ɛsekeɛl 18:19

He dɛ bɔɔ ŋɔ, ‘Ɛrɛɛ aa wola chɛɛ kɛŋɔ bie dɔ deŋnetɛra o mɛɛ wechɔɡa waɔ?’ Bie la waa toɡrɔ dɛ do wer, o teŋɛ me Mmarare la ta kɛrɛdɛ ken, anomanta, wɛɛ dɔ o nyuu kɛrɛdɛ.

Mmarare 6:19

dɛ́ doŋi he dɔma bwa he sie ɡɛ waa baɡɛ nyoa la.

Aesaya 38:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

Mmarare 6:10

Mosis berɔ ŋɔ, “Dɛ Korowii kpɔ heyaa ka tel harɛ waa baɡɛ he naawa, Abraham ne Aesek dɛ Jekɔb nyoa kɛ wɛɛ tɛ heyaa la ta, bwɛjena aa wera he laa vɔrɔwa,