Mmarare 5:31 - mzwDBL

³¹ Ásɛ a ka n ne hen Mosis ɡbo bonɔ, ásɛ n bol men Mmarare ne waa maa dɛ ba ban doe a ta bwa la he be, ka bol baɡ ba ásɛ ba kaa ɛa harɛ maa kpɔa tɛɛ ba ŋɔ bá ka so o ta la ta.’ ”

Mmarare 5:31 Referans Kwoze

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Ɛsekeɛl 20:11

N kpɔ n waa tɛɛ ba dɛ baɡ ba me Mmarare, ásɛ nomɛlbwa waa teŋɛ a ta la, ó dɔ mkpa.

Mmarare 12:1

Mosis berɔ ŋɔ, “Dɛ hé baa tel harɛ Korowii he naawa aa tomɔ aa kpɔa tɛ heyaa ŋɔ hé so o ta la aa, Mmarare aa chɛ kɛŋɔ hé teŋɛ a ta laanee kɛŋɔ,

Mmarare 11:1

Mosis berɔ ŋɔ, “Anomanta, hɛ́ɛ nyin Korowii haa dɛ tomɔ nɔ waa dɛ́ɛ teŋɛ o Mmarare bwa ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Mmarare 4:45

Anee ɛ webaɡla ne Mmarare Korowii aa kpɔa tɛɛ ba a ɡɛ saŋ baa le Ijipt harɛ ta ba habɔɔ,

Mmarare 4:5

Hé na, n baɡle heyaa Mmarare bwa ɡɛ Korowii maa dɛ tomɔ aa ŋɔ n be la, ásɛ he ɡe kaa teŋɛ a ta harɛ haa dɛ la ka kpɔ ó ɛ he kon la ta.

Mmarare 4:1

Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.

Kaala 24:12

Asɛ Korowii ŋɔ Mosis be ŋɔ, “Teeh ba bwe nɔ doa, dɛ́ ba soŋni n be bonɔ. Mɛɛ tɛɛ bwepɛle maa chwerɛ me Mmarare haa dɛɛ teŋɛ a ta, ásɛ nɛra la ka hweli dɛ́ jemɛ waa maa do ba a ta.”

Mmarare 6:1

Mosis berɔ ŋɔ, “Mmarare Korowii aa do mɛ ŋɔ ń baɡle heyaa laanee mɛɛ ba heyaa baɡla nɔ. Hé kaa do sie a ta, harɛ haa dɛ ba o ta kaala ka so la ta.

Mmarare 5:30

La ka ŋɔ ba be ŋɔ, bá berɛ ka jo ba tɛnte deene bini.

Kaala 24:18

Mosis jo bam la bini dɛ teeh kaa bwejen la doa. O soɡe bela tɔpera fifraanaarɛ chɔɔ ne jwaana.

Mmarare 3:18

N ŋɔ ba be ɡɛ saŋ ŋɔ, ‘Korowii haa dɛ tomɔ laanee tɛ heyaa harɛ nɔ ŋɔ hé so o ta. Kɛ he laa tena la vɔwɛ ntoa dɛ́ le Jɔɔdan Moo baŋ, dɛ́ tɔ he bala Israel tena sie dɛ́ ka cha ba ba ɡe dɔ ba harɛ.

2 Koranar 17:37

Hé nyiŋi kɛrɛdɛ dɛɛ teŋɛ mmarare, ne webaɡla ne waa maa do heyaa a ta, dɛ chwerɛ tɛ heyaa la ta. He bɛ voɡ bɛlbwa tomɛ.