Mmarare 4:24 - mzwDBL

²⁴ Korowii do kɛŋɔ ninlao ken dɛɛ chɔɡ kwa, o dɛ mee. Anomanta, he Israel tena ne waa won pɛ dɛ he ɡelo dɛ kaa tomɛ voɡaa.

Mmarare 4:24 Referans Kwoze

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

Mmarare 6:15

Dɛkalkɛŋɔ Korowii haa dɛ tomɔ o do he baah ta nɔ dɛ mee. He ɛ ɡɛ naa, wɛɛ kpɔ o bandiaa ba chɔɡ heyaa kɛŋɔ nii ken le harɛ la ta.

Kaala 34:14

He bɛ voɡ bɛlbwa tomɛ ka ja men Korowii nɛ, maa nomɛlbwa nyin dɛ ja n nɛ.

Sefania 3:8

Anomanta, Korowii ŋɔ, “Dɛɛ kpaa mɛ ka tel tɔpere la maa ba bol harɛre nɛra wa. N ɛ n liire kɛŋɔ mɛɛ boa harɛre nɛra, ne koranar ne ba harɛre nyoaa, ásɛ dɛ kpɔ n bandia kohona ba ta ba nɛ. N bwaawee ɛɛ ir ba nɛɛ kohonaa, ásɛ dɛ fuh harɛ nɔ bwa kɛŋɔ nii ken.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Aesaya 42:8

Menee Korowii, n sɔnee ɡɛ. Maa ɡel nɛra kpɔ jirima aa chɛ kɛ ba tɛ mɛ la tɛ nomɛl, maa ɡel bá kpɔ kpɛɛra aa chɛ mɛ la tɛ voɡa.

Yela 21:9

Korowii baa forɛ le aa, wɛɛ chɔɡ baa kɛŋɔ, nii yon fuh kwaa a chɔɡ la. Korowii baah ɛɛ diu kohona, ó chɔɡ ba bwa, dɛ́ ɡel nii fuuh ba kwaraa.

Mmarare 29:20

Korowii aa kpɔ kɛ ɡɛ nɛn la. Anee dɛɛ ba ɡela o baah di naate nɛɛ kohona, ásɛ taahna waa bol a waa tɔn nɔ bini la bwa dawɛ he nɛɛ ka tel kɛŋɔ waa chɔɡo le harɛ nɔ ta kwara.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Mmarare 5:9

He bɛ an dɛɛ ɡuŋi a ba ɛ kɛŋɔ hɛɛ tomaa. Dɛkalkɛŋɔ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne. Hale dɛ́ kpoŋe ka tel ba naanar bele batoro kɛɛ banaarɛ baa ka ba la nɛ,

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Kaala 15:7

He kpeɡri ne he jirimaa he kpɔ taɡɛ he dɔma ta. He ɡelɔ he bandia kohona ba fuuh ba kɛŋɔ kpɔɡa ken.

2 Koranar 24:20

Korowii baah di Jerusalam ne Juda harɛ nɛra nɛɛ kohona, anomanta, o doŋ ba le o sie. Kooro Sedekia baa ɛ Babelɔn kooro deŋnekpeɡ.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Kaala 33:3

Harɛpare ondɛɛɡe taa hɛɛ kaa la. He deŋne aa kpeɡa nomanta, n ne he laa dɛɛ ba kaala ásɛ n ken ka kpoo heya ŋwɛnɛ ta.”

Nɛra Kura 25:11

“Fenehas sie aa wola waa la ta lɛɛ la, a ɡelɔ n baah sɔɔh Israel tena nɛ. Anomanta, n ta ban hee.

Aesaya 10:17

Korowii waa do kɛ kandea dɛɛ chaah Israel tena, wɛɛ berɛ niinii dɛɛ chɔɡ kwa. Korowii Waa Do Goroŋ Israel tena ɛɛ tomɔ la, ɛɛ berɛ ninlawee, dɛ́ fuh komɛlbwa tɔpebeŋkpoŋ, hale sɔɔhne ne jabalnadaŋɛ bwa.