Mmarare 33:5 - mzwDBL

⁵ Korowii ɛ Israel tena Kooro ɡɛ saŋ Israel deene ne ba nomonome fa aa chema la.

Mmarare 33:5 Referans Kwoze

Mmarare 32:15

Israel tena, he kpeɡo dɛ je, kɛ dɛ berɛ ɛ deŋnekpeɡ tena. He bare, dɛ do tɔɡre he bwara do wer. He berɛ habɔɔ kpo Korowii waa ta heya, dɛ vɛh he Lɛɛ waa do kɛ Bwetal dɛɛ tɛ heyaa mkpa la.

Sitɔɔla 17:6

Gɛ saŋ dɛ Israel tena ta kooro dɔe, asɛ bɛlbwa ɛɛ ɛ waa waa dɛ nyin.

Sitɔɔla 9:2

“Umee hɛɛ nyin kɛ ó ɛ he kooro ɔ? Gedeɔn bibaala fifraanuanɛ la kɛɛ nɛmbeŋkpoŋ ɔ? Hé jemɛ kɛ n ɛ he bini bɛl.”

Sitɔɔla 8:22

Laa la habɔɔ la, Israel tena ŋɔ Gedeɔn be ŋɔ, “Ɛ ya kooro, ásɛ dɛ he baa sewaa, he bibaa ɡe di, dɛ o baa sewaa he naa ɡe di, dɛkalkɛ henee lɛ yaa Midian tena nɔn ta.”

Nɛra Kura 23:21

N ta wahala bɛlbwa nae Israel tena nɛ. N ta tebinichɔɡ nae ba bini. Korowii baa dɛ tomɔ ja ba nɛ. Ba kooroo on baa kpɛɛro.

Kaala 18:19

Cheɡ deŋne dɛɛ no n be ń tɛɛ a wejema, ásɛ Korowii ja he nɛ. A chɛ kɛ he che tɛ nɛra la Korowii sie, dɛ́ kpɔ ba waa baa bil o sie.

Kaala 18:16

Dɛ bɛl ne o dɔŋ dɔ waane aa, n siee ba yon ba a ne, ásɛ n so a ta dɛ́ pa bole dɛ́ ɡel ba jemɛ Korowii Mmarare la wa.”

Mumpar 36:31

Koranar baa tɔ sie di Edom kora, mɔɔ Israel te bɛlbwa ɡe ba di la sɔnaa teŋa nɔ.

Aesaya 44:2

Menee Korowii maa ta heya, dɛ jemɛ heyaa mɔɔ ba lolɛ heya, dɛ cha heyaa la. He bɛ ɔmɛ, he ɛ n bonɔɔna maa le heyaa tɛ n te, n bambile lawɛ heya.

Kaala 15:18

N Naa Korowii, hɛɛ di kora saŋ bɛlbwaa dɛɛ la.”

Mmarare 33:26

O ŋɔ Israel tena be ŋɔ, ‘Nomɛlbwa toole dɛ do kɛŋɔ Korowii haa dɛ tomɔ nɔ. O lɔ nyundua kohona dɛ che o kpeɡri ta bol dɛɛ tɛ heya. O cheɡɛ baama ta dɛ baa cha heya.