Mmarare 33:2 - mzwDBL

² O ŋɔ, “Korowii le Sinai Bwejen ta ba ya be, o ɛɡɔ le Edom kɛŋɔ wee ken, dɛ́ chaah o nɛra nɛɛ Paran bwe ta. Nyundua toroma kaɡboŋa fi ja o nɛ, ninlao do o diɡ bɔr.

Mmarare 33:2 Referans Kwoze

Wepila 5:11

N nyiŋo dɛ no kɛ bobɛlbwa dɛ ɡbɔɡre, dɛkalkɛŋɔ dɛ nyundua toroma warɔ taeh, dɛ ba bar kookara la ne hweera kwaa ne nomonome la bwa dɛ cheme. Ba lɔ kaɡboŋa kaɡboŋa maa wola ba nyoa jemɛ,

Habakuk 3:3

N Naa Korowii, he le Teman harɛ ta ba. He ɛ Korowii Haa Do Goroŋ dɛ le Paran Bwejen ta. He jirima tɔ nyundua, asɛ nɛra bwa ɛɛ kpɛɛre harɛ nɔ ta.

Tɔn Jud Aa Chwera 1:14

Adam natɛɛ ɡe naa Enɔk fa na ba waa dɛ bol ba waa ŋɔ, “N Dɔɔ ɛɛ ba o nyundua toromedɛɛɡa kaɡboŋa nee,

We-ɛɛla 7:53

He nɔn taa nyundua toroma kpɔ Korowii Mmarare la ba do, kɛ he ta a ta teŋɛ!”

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Hibru 2:2

Waa Korowii fa aa kpɔa tɛ o nyundua toroma ba bol la ɛo kɛ mmarakpeɡ bɛl. Nomɛlbwa waa wola a ta teŋɛ la, bá tɛr o deŋne ɡɛ aa chɛa.

Hibru 12:20

dɛkalkɛŋɔ dɛ waa naate aa dɛ bol la kpeɡri tɛɛ ba. O bolɔ ŋɔ, “Dɛ kondɛɛre kwaraa leɡe bwejen la aa, a chɛ kɛ bá foɡro bwea kpo.”

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

Galaasia 3:19

Aah dɛ bɔkwa waa Korowii tɛ yaa Mosis Mmara laɔ? Wechɔɡa jema waa o kpɔa ja yaa. Korowii ɛo kɛŋɔ Mmara la do le dɛ́ ka tel kɛŋɔ Abraham naa la aa bala. Abraham naa nɔɔ Korowii baɡɛ nyoa la. Nyundua toromaa Korowii ɡel ba ba Mosis Mmara la ne ba tɛ yaa. Nɛn nɛɛ nyundua toroma la ba chiɡ dɛ kpɔ Mmara la tɛo, asɛ o ɡe kpɔ tɛ ya naanar.

Galaasia 3:10

Nɛra baa kpɔ sie dawɛ Mosis Mmara ɡbo ta kɛŋɔ a taa ba che Kórowii lɛɛ ba la, bá bwɛɛlɛ, dɛkalkɛŋɔ a lɔ Korowii Tɔn bini kɛŋɔ, “Nomɛlbwa waa koni Mosis Mmara la bɛlbwa saŋ bɛlbwa wee la, ó bwɛɛlɛ.”

2 Kɔrent 3:9

Waa aa ɡela nɛra ɛɛ di bolchɔɡe Korowii sie la dɔ jirima ken aa, dɛ anɔ la aa ɡela nɛra ɛ nɛndɛɛɡa ba wa ɛɛ su o siwi la, ɛrɛɛ a jirima ɛɛ ba doe yɔ?

2 Kɔrent 3:7

Bwe taa Korowii faa chwerɛ Mosis Mmara la dawɛ. Bela Korowii aa kpɔ Mmara la tɛ Mosis la, Korowii jirima ba bela, bela bwa chaah, dɛ chaah Mosis nɛɛ o siebɔr ɛɛ nyɛɡle. Mosis aa la Israel tena be la, dɛ nyɛɡla o siebɔr aa dɛ nyɛɡle la nyoa sɔɔhnɔ tonɛ. Kɛ Israel tena aa nao la, ba ŋɔ o siebɔr dɛ nyɛɡle kohona to, ba ta wone nyiŋu. Mosis Mmara kwara waa dɛ la nɛn ne seo ta la wono ba jirima nɔ dɔŋ ne naa,

Mmarare 5:22

A ɡɛ waa nɔɔ Korowii che nii ta dɛ bol takpeɡ ne baama aa bira kpirkpir bini bwe la ta he bwa be la, o ta wobɛlbwa kpɔe ja a ta ɡɛ saŋ. Dɛ chwera bwepɛle anɛ ta dɛ kpɔ tɛ mɛ.

Galaasia 4:24

Yaa kpɔ haahna banɛ nɔɔ maɡɛ Korowii ne nɛwɛnyini nyopɛo dɔe fɔo bele anɛ la. Ba bɛlbwa cheɡɔ tɛ fɔo la beŋkpoŋ. Heeɡa waa ɛ Abraham yomhaah la cheɡɔ tɛ fɔo la nɛwɛnyini ne Korowii aa fɔwa Sinai Bwejen ta bela Korowii aa kpɔ o Mmara la tɛ Mosis la. A ɡɛ fɔo la tenaa ɛ yoma la.

Kaala 23:20

Hɛ́ɛ no, n dɛ tomɛ n nyundua torome ó tɔ he sie dɛɛ nyiŋi he nɛ, dɛ́ ba he ne bela maa kwaara tɛ heya.

Nɛra Kura 10:12

Ate, Israel tena la le Sinai pua hɛŋle ɡbo harɛ la ta, ba ɡaaɡa dɛ so dɛɛ ir bwa bini la, bam la berɔ ka che Paran pua hɛŋle ɡbo harɛ ta.

Yela 50:2

Korowii do kɛ kandea dɛɛ chaah dɛ le bwɛjen Saayɔn waa wera kohona ta.

Daneɛl 4:13

N ta aa chɔa dɛɛ lii deera nɔ waa la, n nyiŋo dɛ na nyundua torome bɛl waa do ɡoroŋ, o tu le Korowii be nyundua dɛɛ ba.

1 Koranar 11:18

Ba le Midian dɛ kaa Paran, dɛ ka kpɔ baala bane ja ba nɛɛ ba kaa Ijipt Kooro be. Asɛ Kooro la tɛ Hadad dem ne harɛ, dɛɛ tɛo kondikwaa ɡe.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.