Mmarare 33:17 - mzwDBL

¹⁷ O kpeɡri kɛŋɔ nabal ken, o nyeɡlare do kɛŋɔ kpɔɡ bini nao. O nyeɡlare laanee Manasɛ dea nɛra kaɡboŋ bokpeɡa, Efrem dea nɛra ɡe kaɡboŋa fi bokpeɡa. A nee wɛɛ chuɡe harɛre nɛra, dɛ taɡ ba kaa tel harɛ jaɡa.’

Mmarare 33:17 Referans Kwoze

Nɛra Kura 23:22

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken.

Yela 44:5

He kpeɡri taa a che, ya won pɔ ya dɔma nɛ, he sɔn taa ya che, dɛ tiɡri ba nɛ.

1 Koranar 22:11

Korowii keamere la bini bɛlee Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena, dɛ́ pɔ ba nɛ.’ ”

Yela 92:10

He ɡelɔ n do kpeɡri kɛŋɔ kpɔɡ bini nabal, dɛ swee mɛ andɛɛɡa, dɛ ɡel n dɔ silɛɛ.

Nɛra Kura 24:8

Korowii laɡ ba le Ijipt harɛ ta, dɛ yo dɛɛ tɛɛ ba kɛŋɔ kpɔɡ bini nao ken. Ba pɔ ba dɔma nɛɛ dɛ kuuɡi ba hoɡa, dɛ yaɡ ba hɛma ne.

Mumpar 48:19

O mɛɛ ta sɛɛh dɛ ŋɔ, “N jemɔ, n bie. Manasɛ naanar ɡe ɛɛ warɔɔ dɛ́ ɛ nɛnjena. Kɛ o nime ɛɛ ba ɛ nɛnjenii ɡwaalo, ásɛ o naanar ɡe warɛ kohona.”

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hosia 5:3

Israel, n jemɛ he waa bwa a chɔ n sie. He nɛra waa ta kasinteŋ dɔe, baa men Korowii tomɛ kpa.

Aesaya 34:7

Wɛɛ kpoo nɛra baa dɔ kpeɡri kɛŋɔ kpɔɡ bini nae, ne banɔ la baa do kɛŋɔ nabali bwaa, ásɛ harɛ la bwa sɔ chal ne no.

Yela 29:6

O taa ɡelɔ Lɛbanɔn bwejena ɛɛ yiiɡi kɛ nabiiri aa dɛ jah, Hɛmɔn Bwejen ɡe do kɛ nabale waa dɛ jah.

Yela 22:21

Lɛɛ mɛ n dɔma baa do kɛ nyujentena nɔ nɔn ta, lɛɛ mɛ le n dɔma baa do kɛ, nabala nyeɡlare nɔ nyoa.

2 Webena 18:10

Keamere la bini bɛlee, Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena dɛ́ pɔ ba nɛ.’ ”

1 Webena 5:1

Jekɔb binomoa sɔne Rubin, dɛ onee biloɡle, kɛ waa lawɛ o mɛɛ haah chɔ la nomanta, ba laa o nomonome lɛ o be tɛ o nime Josef. A ɡɛ nomanta, o sɔn toole ɡɛ baa lol ba teŋɛ dɔŋa nɛɛ la ta.

Nɛra Kura 26:37

A ɡɛ nɛra nɔ bwa ɛ Efrem dea nɛra. Baala baa kur ba la lɔ kaɡboŋa fifraatoro dɛ banɛ lafraanue. A ɡɛ nɛra nɔɔ le Josef luɡe ta.

Nɛra Kura 26:34

A ɡɛ nɛra nɔ bwa ɛ Manasɛ dea nɛra. Baala baa kur ba lɔ kaɡboŋa fifraanue dɛ banɛ, dɛ lafraanuanɛ.

1 Samoɛl 2:1

Anee Hana jam Korowii ŋɔ, “N Naa Korowii, he ɡelɔ n sie lɛ kohona, n sie lɛ waa haa ɛa wa! He ɡelɔ n sie lɛ mɛɛ mamɛ n dɔma, lɛɛ haa lɛɛ mɛ la wa.

Yela 60:7

Gelead harɛ ne Manasɛ dea harɛ bwa ɛ n kwa. Efrem harɛ do kɛŋɔ n laa ɡbɛrɛ, asɛ Juda harɛ ɡe do kɛŋɔ n koodaŋɡbala.

Ɛsekeɛl 34:21

He taɡɛ n peera aa ɡwɛɡra la vaama ne, dɛ chuɡra nyeɡlare ne ka ta,

Daneɛl 8:4

N na pebal la kɛŋɔ waa chuɡri ola le wee cholibɔr ne weekaŋle nyunduabɔr dɛ weekaŋle harɛbɔr. Ol bɛlbwa ta wone che o sie kɛɛ dɛ won sɔɔh o kpeɡri nyoa. O ɛ ɡɛ a too o tea dɛ dɔ kpeɡri taeh.

Josua 17:14

Asɛ Josef naanar ir la Josua be dɛ ka bɔɔro ŋɔ, “Ɛrɛ waa he tɛ yaa harɛ bɔrbeŋkpoŋ ɡbo o ɛ ya kapɛrɛ kon nɔɔ? Korowii swee andɛɛɡa tɛ yaa, dɛ́ ɡel ya warɛ.”

Josua 17:18

dɛ́ kpɔ deŋɡarere harɛ waa ɛ kɔr la ɡe ja. Hé teŋni kɔr la daa la, dɛ́ parɔ kaa sie. A lole kɛŋɔ Keenan tena dɔ kwaa aa do kɛŋɔ torɔɡore ba vɔwa pɛl jaɡre dɛ do kpeɡri te, kɛ hɛɛ won doŋ ba le.”

1 Webena 5:2

Dɛ Juda dea tena dɔ kpeɡri ɡwaa deene la bwa. Kooro le bela dɛ tɛ deene la bwa, a lole kɛŋɔ dɛ Josef dea fe dɔ kpeɡri kɛ biloɡle.

1 Webena 5:23

Manasɛ dea pera tena la warɔ, dɛ so le Basan harɛ ta, dɛ kpoŋe kaa Baal Hɛmɔn ne Senir, dɛ Hɛmɔn Bwejen ta.

1 Webena 12:31

ne Manasɛ dea pera tena baa lee ba cheɡ ŋɔ bá ba cheɡ Devid kora ta. Ba lɔ laa tena kaɡboŋa fi dɛ banuatoro,

1 Webena 12:32

ne Isaaka dea baala, banee dɛ wobɛlbwa ba Israel harɛ ta ɡɛ saŋ aa, ba yon tɔ a sie dɛ baɡle ŋwɛnɛ baa kpɔ a ta. Ba lɔ koranar lafraanɛ, ba lolanar bwa ja ba nɛ,