Mmarare 33:16 - mzwDBL

¹⁶ Tɛɛ ba harɛ kondɛɛɡa aa lɔ o ta. N Naa Korowii, he fa bol waa le dawii aa dɛ lawɛ nii Sinai Bwejen ta, asɛ wedɛɛɡa su he bwa. Gel Josef dea tena na som, dɛkalkɛŋɔ onee dɔɔranar la bwa sitɔɔ.

Mmarare 33:16 Referans Kwoze

We-ɛɛla 7:35

Mosis la Israel tena fa aa vɛoh dɛ ŋɔ, ó baɡle naate waa cheɡo kora ta ŋɔ ó baa nyiŋi ba nɛɛ dɛ́ɛ bol ba waa la, onee Korowii tomɛ ŋɔ ó ba tɔ ba sie dɛ́ lɛɛ ba ta. Nyundua torome la Mosis aa nao dawii nii ta la nɛɛ Korowii che dɛ tomɔ.

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Amanesoma Mak Aa Chwera Tɔn 12:26

Nɛra seo ta ira ɡe la nɔ, dɛ he dɛ lii Mosis Tɔn bini waa ane aa dɛ baɡle dawii fuih la wa aa, ba chwerɛ bela ɡɛ Korowii aa ŋɔ Mosis be ŋɔ, ‘Menee Korowii he nabaala Abraham ne Aesek dɛ Jekɔb aa tomɔ la aa?’

Jeremia 8:16

Ya dɛ no ya dɔma jaɡre hweera aa nyoa aa kpeɡa, dɛ le bwɛjen Dan ta. Jaɡ-bala sii kpɔ ɔmee kohona ba ta harɛ la nɛra bwa nɛ baa chel. Ba balɔ dɛ́ ba chɔɡ ya harɛ ne komɛlbwa waa lɔ o ta, ne bwɛjen la dɛ nɛra baa lɔ o ta bwa.”

Yela 89:11

Nyundua ne harɛ bwa ɛ he kwa, henee ta harɛ ne komɛlbwa aa lɔ o ta.

Yela 50:12

Dɛ lɔr dɛ kpo mɛ naa, maa he bee bol, dɛkalkɛŋɔ harɛ nɔ ne kwaa aa lɔ o ta bwa ɛ n kwa.

Mumpar 49:26

He naawa sweera baa sweera tɛ he mɛɛ la ɡwaa kondɛɛɡa haa dɛ naa deŋɡarere dor. Korowii le Josef cheɡ dɛ tɛo a ɡɛ hɛɛra nɔ a dawɛ o tile ta, dɛkalkɛ o ɡwaa o dɔɔranar.

Mumpar 43:32

Ba kpɔ Josef kwaa cheɡo korɛ, asɛ o dɔɔranar la ɡe kwaa korɛ. Dɛ Ijipt tena bane jao dɛ ɡee di kwaa la ane. Dɛ Ijipt tena kii ba ne Hibru tena nɔn pɛɛ dɛ́ di kwa, anomanta, ba korɛ ba kwa.

Mumpar 37:36

Ismael bonadiire la ɡe yoɡ Josef tɛ Ijipt te Pɔtefa. O ɛ Ijipt harɛ ta kooro laa tena baa dɛ daah o dem la bwa nomoa.

Mumpar 37:28

Bonadiire la aa tel ba be la, o dɔɔranar la lawɔ le kɔlɔŋ la bini, dɛ yoɡu tɛɛ ba suuɡapoŋa fifraanɛ, asɛ ba kpɔɔ kaa Ijipt harɛ ta.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

1 Kɔrent 10:28

Kɛ dɛ nomɛl ŋɔ he be ŋɔ voɡee ba kwaa, a kondikwaa yaa, naate waa baɡle ɡɛ waa nɔ ŋɔ he bɛ di la nyu bini liire nomanta, bɛ di, ásɛ o bɛ ba lii kɛŋɔ he ɛ wechɔɡa.

1 Kɔrent 10:26

dɛkalkɛŋɔ “Korowiirii dɔ harɛ ne komɛlbwa aa lɔ o ta.”

Amanesoma Luk Aa Chwera Tɔn 2:14

“Hé tɛ Korowii waa lɔ nyundua la sɔn, ásɛ dɛ ɡel nɛwɛnyina baa lɔ harɛ ta Korowii siwi aa su ba la ɡe dɔ bosɔɔhna.”

Mumpar 37:8

Asɛ o dɔɔranar la bɔɔro ŋɔ, “Amɔ he dɛ lii kɛ he dɛ ba bá di kora dɛ́ nyiŋi ya nɛɛ kɛɛ?” Belaa o haeh la berɛ ɡwaa kohona kwara.

Kaala 2:2

asɛ o haah la kpoŋe tea dɛ lolɛ bibaa. Haah la aa naa kɛ bie la wer kohona la, o kpɔɔ sɔh korobie atoro.

Nɛra Kura 26:28

Josef bibaalaa Manasɛ ne Efrem dea.