Mmarare 32:36 - mzwDBL

³⁶ Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Mmarare 32:36 Referans Kwoze

Yela 135:14

Korowii ɛɛ bol o nɛra waa tɛɛ ba ásɛ dɛ dɔ tedoma tɛ o bonɔɔna.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

2 Koranar 14:26

Dɛ Korowii na wahala kohona Israel tena aa lɔ a ta, deheɛre ne yoma bwa, nomɛlbwa aa wola toole dɛ́ lɛɛ ba.

1 Koranar 14:10

Anomanta, mɛɛ chɔɡ he koraa dɛ́ kpoo he bibaala, ne bechale ne nomonome baa lɔ Israel harɛ ta bwa, yoma ne banɔ la baa dɛ di ba nyuune bwa. Mɛɛ fuh he demii kɛŋɔ baa dɛ fuh kondoŋa a bwa yon tonɛ la ken.

Sitɔɔla 2:18

Saŋ bɛlbwa Korowii aa tɛɛ ba sitɔɔ la, o dɛ chao dɛ́ lɛɛ ba le ba dɔma nɔn ta ɡɛ saŋ sitɔɔ la taa soɡe le la. Korowii dɔ tedoma dɛɛ tɛɛ ba, wii baa dɛ wi hɔhɔrɔwa nɛra aa dɛ ɛɛ ba la wa.

Hibru 10:30

Naate waa ŋɔa ŋɔ, “Menee dɔ wechɔɡa kem bɔe, menee dɛ́ bɔ nɛra ba wechɔɡa kem” la, ya jemɛ o nɛnsoo. Dɛ berɛ ŋɔ, “N Naa Korowii ɛɛ bol o nɛra waa dɛ́ pa bole.”

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Emɔs 7:3

Anomanta, Korowii ɡelɔ. Dɛ ŋɔ, “Maa ɡela ba a chiɡ kpa.”

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 50:4

O ŋɔ nyundua ne harɛ di danseɛ kɛŋɔ nɛra, ásɛ o bol o nɛra wa, dɛ́ pa ba bole.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

2 Koranar 9:8

Kooro Ahab dem nɛra ne o naanar bwa chɛ kɛ bá serewe. Mɛɛ kpo baa te bɛlbwa waa le o demii le Israel harɛ ta. Hale yoma kɛɛ nɛra baa dɛ di ba nyuune bwa.

1 Koranar 21:21

Waa Korowii aa dɛ bol laanee kɛŋɔ, ‘Mɛɛ kpɔ wenaalee ba ta he nɛ. Mɛɛ kpo he ne bibaa bɛlbwa waa lɔ he deemii le Israel harɛ ta, yoma ne nɛra baa dɛ di ba nyu bwa.

Lewi Dea Tena 26:43

Kɛ ba bwa ɛɛ chwao le harɛ la ta, ásɛ o chɔ pɛɛ dɛ́ onɛ ɡɛ aa chɛa. Ásɛ dɛ bɔ ba wechɔɡa baa ɛa la bwa kem, dɛkalkɛ ba vɛh me Mmarare ta teŋa.

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Joel 2:18

Anee ɡela Korowii sie ba o nɛra nɛ, dɛ sune ba nɛ harɛ la ta.