Mmarare 32:3 - mzwDBL

³ Korowii sɔnee mɛɛ ba yera, ásɛ o nɛra kpɔ duure tɛo o kan waa doa wa!

Mmarare 32:3 Referans Kwoze

Jeremia 10:6

N Naa Korowii, nomɛlbwa ta kpeɡri dɔe kɛ hen, he kan kohona, nɛra bwa jemɛ kpeɡri kohona haa dɔa wa.

Yela 150:2

Hé kpɛɛro o wejena waa ɛa wa. Hé kpɛɛro o kan waa doa kohona ɡwaa komɛlbwa wa.

Ɛfesos 1:19

dɛ́ berɛ jemɛ kɛŋɔ kpeɡri Korowii aa dɔa dɛɛ cha ya banɔ la yaa yaradao la kan, a dɔŋa toole. Hé lii ɡɛ o fa aa cha Yeesu Kristo o kpeɡri ne la, dɛ́ jemɛ kɛŋɔ kpeɡri la tentenee ó kpɔ dɛɛ cha yaa.

Mmarare 5:24

dɛ ba ŋɔ, ‘Korowii ɡelɔ ya na o jirima ne ɡɛ waa do kan, ya no o taa nii la ta. Fini ya nao kɛŋɔ Korowii bol waa nɛn be naa, naate ta won o nyu dɔe dɛ́ ta so le.

Amanesoma Jɔn Aa Chwera Tɔn 17:26

N ɡelɔ ba jemɛ, mɛɛ ɡeloo baa jemɛ, ásɛ ba won dɛɛ nyin dɔŋa ɡɛ haa dɛ nyin mɛ la, ásɛ n ne ba won pɛ.”

Amanesoma Jɔn Aa Chwera Tɔn 17:6

Nɛra haa lee ba le harɛ nɔ ta nɛra bini dɛ kpɔ ba tɛ mɛ la, n ɡelɔ ba jemɛ kɛrɛdɛ. Henee dɔɔ ba dɛ kpɔ ba tɛ mɛ, asɛ ba sɛh dɛɛ teŋɛ he waa la ta.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Mmarare 3:24

‘Nemenɛ Korowii, he pa mun dɛ kpɔ he kan ne he kpeɡri haa dɔa baɡle men maa ɛ he bonɔɔ. Komɛlbwa toole nyundua kɛɛ harɛ dɛ́ won ɛ wejena nɔ dɔŋa.

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Kaala 6:3

Men kpɔ n te baɡle Abraham ne Aesek dɛ Jekɔb kɛ Menee Kpeɡri Bwa Dɔɔ la. Kɛ n ta ɡelɛ ba jemɛ n sɔn waa do ɡoroŋ la te.

1 Webena 17:19

N Naa Korowii, he cheɡɛ waa haa bola ne waa haa dɛ nyin ɛɛ ta dɛ ɛ wejena nɔ bwa, asɛ men maa ɛ he bonɔɔ jemɛ a wa.

Kaala 20:24

Hé kpɔ teera ma saraha kon haa lawɛ peera ne boohna ne nae dɛ́ fuah dɛɛ tɛ mɛ o ta, ásɛ dɛ berɛ ɛ deŋnesɔɔhna saraha ɡe tɛ mɛ o ta. Bela maa le tɛ heyaa ŋɔ hɛɛ tom mɛ la, mɛɛ ba he be belaa dɛ́ ba swee heyaa andɛɛɡa.

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

1 Webena 29:10

Kooro Devid kpɛɛ Korowii nɛra la bwa sie dɛ ŋɔ, “N Naa Korowii ya naa Jekɔb aa tomɛ, henee chɛ kɛ ya kpɛɛ saŋ bɛlbwa dɛɛ la.

1 Webena 29:13

N Naa Korowii yaa dɛ tomɛ, ya dɛ jaame, dɛɛ kpɛɛ he sɔnjen la.