Mmarare 32:23 - mzwDBL

²³ Mɛɛ kpɔ wahala kohonaa ta he nɛ, mɛɛ kpɔ n hɛma bwaa ta heya.

Mmarare 32:23 Referans Kwoze

Ɛsekeɛl 5:16

Mɛɛ tɔɔɡe kondikwaa ŋwɛnɛɛ, ásɛ lɔr kpo heya. Hɛɛ na lɔr weweelee kɛŋɔ baa ta hɛma yaɡɛ heyaa dɛ kpoo heyaa la.

Ɛsekeɛl 14:21

Nemenɛ Korowii ŋɔ, “Webele anaarɛ aa wola weree mɛɛ ba kpɔe ba tɛr Jerusalam tena deŋne. Laa ne lɔr ne kpɔɡ bini olchɔɡa dɛ weechɔɡaa mɛɛ ba kpɔe ba kpoo nɛra ne kondɛɛra bwa.

Wiile 3:13

O ta o hɛma la a jooɡe n bwadabii bini.

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Lewi Dea Tena 26:24

n ɡbabir ɛɛ beɡre sie he nɛɛ, dɛ́ tɛr he deŋne kohona a ɡwaa loɡla kwaa la bele anuanɛ ja.

Aesaya 26:15

N Naa Korowii, he ɡelɔ ya harɛ do kan. He tuuh o jwɛhre kaa sie o do kan. He ɛ ɡɛ dɛ dɔ jirima nɛra be.

Mmarare 29:21

Korowii ɛɛ kpɔ nyotaahna waa aa lɔ tɔn nɔ bini nɔɔ dawɛ o nɛɛ he Israel deene bwa siwi ta, ɡɛ waa baɡle a waa Korowii Fɔo Tɔn la bini.

Lewi Dea Tena 26:18

Hale anɔ bwa habɔɔ dɛ haa n be no aa, mɛɛ berɔ ja he deŋnetɛra ta bele anuanɛ.

Mmarare 32:42

N hɛma ɛɛ jo ba chal taa, ásɛ n tokobii ɡe kpoo banɔ la baa dɛ tɔ mɛ ŋwɛnɛ. Maa nomɛlbwa waa cheɡɛ n nɛɛ ɡel, banɔ la baa do ba bola, ne banɔ la baa laɡ ba bwa ɛɛ sewɔɔ.’

2 Samoɛl 22:15

O ɡelɔ bwaala nyɛɡle dɛ lɔ o dɔma peɡre, a do kɛŋɔ waa ta hɛma do ba bini ken.

Yela 18:14

O ta o hɛma, o dɔma peɡre, o ɡelɔ bwaala nyɛɡle kohona, ba chwa kaa.

Yela 45:5

He hɛma nyɛɡre, dɛɛ jo he dɔma bambile bini, harɛre nɛra choɡli he sie.

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Yela 7:14

Na ɡɛ wechɔɡ-ɛɛra aa dɛ vɔrɔwe wechɔɡa! Ba dɛ le jina dɛɛ neɡre nɛra.

Ɛsekeɛl 9:6

Hé kpoo banjeni, bonɔɔna ne toli, haahna ne bechale. Kɛ he bɛ banɔ la baa do ba nso la te kpoo. Hé pa mun le n Dea bonɔ.” Anomanta, ba pa mun le nomonome baa lɔ Korowii Dea la sie nɛ.