Mmarare 32:21 - mzwDBL

²¹ Ba ɡelɔ mɛɛ meeh voɡa aa wola tɔnɔ dɔe hɛɛ toma la, n bwaawee ir ba voɡpuune nɛ. Anomanta, mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.

Mmarare 32:21 Referans Kwoze

Tɔn Pɔɔl Aa Chwerɛ Rom Tena 10:19

N berɔ dɛɛ bɔɔ ja. Israel tena fa ta noɛ yaa? Mosis tɔ sie chwerɛ waa Korowii aa bola, dɛ ŋɔ, “Mɛɛ ɡeloo he dɔ bɔweela nɛra baa wola ban kure dɛɛ ja n nɛra nɛɛ la nɛ, dɛ́ ɡel he bwaawee ir harɛ o nɛra aa ɡɛna nɛ.”

Tɔn Pɔɔl Aa Chwerɛ Rom Tena 9:25

Kenii o ŋɔ o keame Hosia tɔn bini. “Nɛra ba fa aa wola n nɛra ɛɛ n fa aa wola ban nyin la, mɛɛ yer baa n nɛra ne n nɛnnyinaa.”

1 Koranar 16:26

Ŋwɛnɛ Nɛbat bibaa Kooro Jɛroboam aa kpɔ o ta, ne wechɔɡa waa ɛa dɛ jo Korowii nɛɛ dɛ ɡel Israel tena ɡe ɛ wechɔɡa, ba ɛ voɡa aa wola tɔnɔ bɛlbwa dɔe a di Korowii baa dɛ tomɔ baah la, ɡɛɛ Kooro Omri ɛ Korowii.

1 Koranar 16:13

dɛkalkɛ, Kooro Baasa ne o bibaa Ɛla wechɔɡa baa ɛa dɛ jo Korowii nɛɛ laanee ɡela Israel tena ɛ wechɔɡa. Ba ɛ voɡa aa wola tɔnɔ bɛlbwa dɔe, dɛ kpɔ muɡli Korowii Israel tena aa dɛ tomɔ la baah.

Jona 2:8

Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.

Yela 78:58

Ba kpɔ bela baa dɛ tomɛ ba voɡa dɛɛ muɡli o baah, dɛ kpɔ ba voɡa dɛɛ ir o bwaawee.

Mmarare 32:16

Ba dɛ tomɛ harɛre ane voɡa aa ɛ kii kwa, a ɡel Korowii baah di banɛ, wechɔɡa haa ɛa la ɡelɔ o baah di.

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Yela 31:6

N hah nɛra baa kpɔ ba te dawɛ voɡa aa wola tɔnɔ bɛlbwa dɔe nɛ, kɛ hen Korowiirii mɛɛ yarada.

1 Kɔrent 10:22

Hei! He dɛ nyin he muɡli ya Dɔɔ baah o mee raa? Ya kpeɡri ɡwaalo wa aa?

We-ɛɛla 11:15

Maa la o be la, maa pa mun dɛɛ bol waa la, dɛ Korowii Domadɛɛɡe la baa so o ne o dem tena nɛɛ kɛŋɔ waa baa so ya nɛɛ loɡla la.

Jeremia 8:19

Hé no n nɛra wii baa dɛ wi bojaŋ harɛ ta dɛɛ ŋɔ, “Korowii toole Saayɔn kpa kɛɛ? Saayɔn Kooro ɡe toole bela kɛɛ?” Asɛ Korowii waa ɛ ba kooro la chaŋe ŋɔ, “Ɛrɛɛ he kpɔ kwaa he ɡbabir aa ɛa dɛɛ muɡli n baah, dɛɛ tomɛ voɡa aa wola tɔnɔ dɔe, dɛ le harɛfala ta nɔɔ?”

Jeremia 10:8

Ba bwa ta liire dɔe dɛ ɛ ɡɛna ɡbo. Bɔkwaa baa ba wona hweli le daa voɡare baa ɛa, aa wola tɔnɔ bɛlbwa dɔe ta nɔ?

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.

We-ɛɛla 14:15

“Bwɛɛla, ɛrɛɛ hɛɛ ɛ ken nɔɔ? Nɛraa yan kɛ heyaa ken. Amanesoma nee ya ba he be, ásɛ he no dɛ́ ɡel konsale nɔ ne komɛlbwa toma, dɛ́ɛ tomɛ Korowii waa lole saŋ bɛlbwa, dɛ ta nyundua ne harɛ ne mpo, dɛ kwaa aa lɔ a ta bwa la.

Mmarare 32:17

He kpoo kwaa tɛ daabii yaa wola an na, voɡfala he naawa aa wola an jemɛ, voɡa he Israel tena aa wola sie a be doe ka.

1 Koranar 14:22

Juda harɛ ta nɛra ɛ wechɔɡa dɛ jo Korowii nɛ, a che a ta Korowii bandia ir ba nɛ. Dɛ ba kwaa la ɡwaa anɔ la ba naawa aa ɛa la kwara.

2 Koranar 17:15

Ba vɛh waa Korowii aa do ba a ta la, dɛ vɛh fɔo o ne ba naawa aa fɔwa, ne kaeh waa kah ba la. Ba teŋɛ voɡa aa ɛ konsale nɛ, dɛ ɡbabir ɡe ɛ nɛnsale. Ba chaa harɛre aa bar ba la nɛra nawee we-ɛɛla, dɛ kpɔ ba da. Dɛ Korowii ŋɔ ba be ŋɔ, “He bɛ ɡɛ baa dɛ ɛ la ɛ.” Kɛ ba ɡarɔ ɛ ɡɛ Korowii aa kah ba ŋɔ ba bɛ ɛ la.

Jeremia 5:7

Korowii ŋɔ, “Juda tena, ɛrɛ waa a chɛ kɛ ń kpɔ he wechɔɡa kɛ heya ɔ? He vɛɛh mɛ dɛɛ tomɛ voɡare a wa aa wola kasinteŋ dɔe. N tɛ heyaa komɛlbwa haa dɛ nyin, kɛ he ɡarɛ kaa bɔ jwamane, he ne hanjwamanere ɛɛ valɛ.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

1 Koranar 14:9

He ɛ wechɔɡa kohona dɛ ɡwaa banɔ la baa tɔ he sie bwa. He ɛ voɡa, dɛ kpɔ kwaa ɛ voɡa muɡli n baah, dɛ berɛ habɔɔ kpo mɛ.

2 Koranar 17:11

Ba dɛ fuh daawiile kon baa dɛ ɛ sarahare a ta ne deŋɡare bɛlbwa ta, kɛŋɔ ɡɛ nɛra Korowii aa doŋ ba le ba harɛre ta tɛɛ ba fa aa dɛ ɛ la. Israel tena ɛ wedoŋa tenten a di Korowii baah taeh.

2 Koranar 21:6

O kpo o bibaa dɛ fuuh ɛ saraha, dɛ ɛ sɔm we-ɛɛla dɛ voɡɛ dɛ yerɛ lala, dɛ la tɛɡre tena ɡe be. O ɛ wechɔɡa taeh dɛ jo Korowii nɛɛ dɛ ir o bandia kohona.

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

Aesaya 65:3

Ba teŋɔ dɛɛ muɡli n baah, dɛ kpoo kwaa dɛɛ ɛ saraha voɡare ta, bodɛɛɡe baa du daa bini, dɛ fuh daawiile dɛɛ tɛa.

Jeremia 2:11

Harɛ bɛlbwa nɛra toole dɛ charɛ ba voɡa, a lole kɛŋɔ a waa ta kasinteŋ dɔe, kɛ n nɛra kpɔ n jirima tɛ voɡa aa wola tɔnɔ bɛlbwa dɔe dɛɛ toma.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.