Mmarare 32:12 - mzwDBL

¹² Korowii ɡboo tɔ o nɛra sie, voɡ bɛlbwa ta o nɛɛ jae.

Mmarare 32:12 Referans Kwoze

Aesaya 46:4

Menee dɛɛ ba he nɛɛ nyiŋa, dɛ́ ka tel he hwɛɛhra saŋ he nyumpona aa to. Menee ta heya, mɛɛ chwaa heyaa, dɛ́ kpoŋe heya, dɛ́ lɛ heya.

Yela 136:16

Onee tɔ o nɛra sie ba kpɔ pua hɛŋle ɡbo harɛ ta. O nyina lole saŋ bɛlbwa dɛɛ la.

Yela 78:14

O cheɡɛ bam waa do jaŋne kaa nyundua ta, dɛ tɔ ba sie webaŋa, asɛ jwaana bwa ɡe, o kpɔ nii waa tɛra kaa nyundua tɔ ba sie wɛɛ chaah ba ba won vala.

Mmarare 1:31

Hé berɔ na ɡɛ waa ɛa tɛ heyaa pua hɛŋle ɡbo harɛ la ta ja, ɡɛ waa kpɔ heyaa kɛŋɔ mɛɛ yon kpɔ o bie la. O kpɔ heyaa le bela bwa dɔŋ haa lea dɛ ba tel bonɔ nɔ.’

Yela 27:11

N Naa Korowii, baɡ mɛ he ŋwɛnɛre, tɔ n sie, dɛ́ kpɔ mɛ kpɔ ŋwɛnɛdɛɛɡe ta, dɛkalkɛ n dɔma warɔ.

Nehemia 9:12

He cheɡɛ bam waa do jaŋne kaa nyundua tɔ ba sie webaŋa, jwaana ɡe, he kpɔ nii waa tɛra kaa nyundua tɔ ba sie wɛɛ chaah ba won vala.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Mmarare 4:35

Korowii cheɡɛ anɔ ta dɛɛ baɡle heya ásɛ he jemɛ kɛŋɔ nomɛlbwa toole dɛ do kɛ on.

Mmarare 4:39

Anomanta, hɛ́ɛ lii dɛ bɛ soh kɛŋɔ Korowii dɛ di kora nyundua ne harɛ ta bwa, komɛlbwa toole dɛ ka ja Korowii nɛ.

Yela 81:9

He bɛ voɡ bɛlbwa tomɛ ka ja n nɛ, he bɛ an dɛɛ ɡuŋi.

Aesaya 63:14

Gɛ ba yon teɡɛ nae kaa deŋɡarere dor harɛ waa chɔa kaa ta a yon ka onɛ la, ɡɛɛ Korowii tɛ o nɛra ona. O tɔ o nɛra sie o sɔn dɔ jirima.

Josua 24:17

Korowii yaa dɛ tomɔ nɔɔ le ya ne ya naawa le Ijipt harɛ ta, dɛ ya ɛ yoma bela. Ya na nyokpowaa kohona waa ɛa. O kpɔ nɔn tɔ ya nɛɛ ya vala bini bwa, ne harɛre yaa kpɔ a ta bwa.

Job Tɔn 15:19

Ba naawa ɡboo fa dɔ harɛ la, dɛ nɛŋhɔɔhra toole dɛ ɡel ba laa ba te kpɔ Korowii nɛ.

Hosia 11:4

Nyinaa n kpɔ laɡ ba ba n be, dɛ kpɔ ba chwaa. N laa koeh aa dawɛ ba nɛɛ la kpɔ, asɛ dɛ ba harɛ dɛ pa ba kondikwa.