Mmarare 31:9 - mzwDBL

⁹ Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Mmarare 31:9 Referans Kwoze

Nɛra Kura 4:15

Dɛ he dɛ ba ira kaa bofale, asɛ Arɔn ne o bibaala tɔ laala aa do ɡoroŋ ne kwaa aa do ɡoroŋ baa kpɔa dɛɛ ɛ toma la ta tonaa, mɔɔ Kohat naanar ká kpɔ che kaa. Kɛ ba bɛ a ɡɛ kwaa aa do ɡoroŋ la leɡe, ásɛ dɛ ba sewɛ. Banee dɔ ŋwɛnɛ kɛ bá che n Dea Cheremibɔr laala ne o koŋkwaa bwa.

Josua 3:3

dɛ ŋɔ, “He baa na kɛŋɔ Lewi dea tena baa ɛ sɔfore la cheɡɛ Korowii Ne Nɛwɛnyina Fɔo Daka dɛɛ kaa laa, bɛlbwa ir dɛ́ teŋɛ ba nɛ.

Amanesoma Jɔn Aa Chwera Tɔn 5:46

He fe yaradao waa, he fe yarada n ɡe, dɛkalkɛ onee chwerɛ n waa o tɔn bini.

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Amanesoma Luk Aa Chwera Tɔn 20:28

Ba baa bɔɔ Yeesu ŋɔ, “Nomoa, Mosis fa chwerɛ Mmara bɛl tɛ yaa ŋɔ, dɛ baa sewɔ ɡel o haah dɛ ba ta bii dɔe yaa, a chɛ kɛŋɔ o nime kɛɛ o dɔɔ kpɔ haah la mo dɛ́ loɡle bii, ásɛ a ɡɛ bii la ɛ lale la bii.

Amanesoma Mak Aa Chwera Tɔn 12:19

Ba baa bɔɔ Yeesu ŋɔ, “Nomoa, Mosis fa chwerɛ Mmara bɛl tɛ yaa ŋɔ, dɛ baa sewɔ ɡel o haah dɛ ba ta bii dɔe yaa, a chɛ kɛŋɔ o nime kɛɛ o dɔɔ kpɔ haah la mo dɛ́ loɡle bii, ásɛ a ɡɛ bii la ɛ lale la bii.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

1 Webena 15:2

Ate, Kooro Devid ŋɔ, “Nomɛlbwa toole dɛ́ che Daka nɔ ka ja Lewi dea tena nɛ, dɛkalkɛ banee Korowii le ŋɔ baa cheo, dɛɛ tomɔ o sie saŋ bɛlbwa dɛɛ la.”

1 Koranar 8:3

Israel nomonome la bwa aa baa cheme la, sɔfore la kaa kpɔ Korowii Ne Nɛwɛnyina Fɔo Daka la,

Josua 6:12

Tɔ aa pera la, Josua felo ir, asɛ sɔfore la kpɔ Korowii Ne Nɛwɛnyina Fɔo Daka la che.

Mmarare 31:28

Anomanta, he yerɛ he deene la nomonome, ne banɔ la baa chɔ he nyoa ba cheme n sie, ásɛ n bol waa nɔ bwa tɛɛ ba, dɛ́ yerɛ nyundua ne harɛ a chɔ dɛ́ ɛ danseɛ.

Mmarare 17:18

Dɛ naate baa so kara ta naa, o nyiŋi Lewi dea tena baa ɛ sɔfore la be, dɛ́ lɛ Korowii tɔn la dɛ́ nyiŋi o ta dɛ́ chwerɛ bɛl.

Nɛra Kura 33:2

Korowii do Mosis o chwerɛ ɡɛ baa soɡa dɛɛ ir ba vala bini bwa. Kenii ba so dɛɛ ir.

Kaala 24:4

Mosis chwerɛ komɛlbwa Korowii aa bola. Tɔ aa dɛ per chɔmbibii la, o iro dɛ kwaa saraha kon tɛ Korowii bwe la lɔɡa, dɛ paaɡe bwea fi dɛ anɛ a che tɛ Israel deene fi dɛ anɛ la.

Nɛra Kura 4:5

Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta.

Nɛra Kura 4:6

Ásɛ dɛ kpɔ mpo nae tɔne la bɔle pateesan la ta. Dɛ́ berɛ kpɔ yal waa ɛ burum tenten bɔle o ta, ásɛ mɔɔ dɛ́ kpɔ daa baa kpɔa dɛɛ cheo la suuɡi nɔnloɡa aa lɔ o loŋkoni la ta.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

2 Koranar 17:37

Hé nyiŋi kɛrɛdɛ dɛɛ teŋɛ mmarare, ne webaɡla ne waa maa do heyaa a ta, dɛ chwerɛ tɛ heyaa la ta. He bɛ voɡ bɛlbwa tomɛ.

Nehemia 8:3

O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.