Mmarare 31:14 - mzwDBL

¹⁴ Ate, Korowii ŋɔ Mosis be ŋɔ, “Tɔpere waa kaa he sewɛ la aa kanɛ kpa, anomanta, yerɛ Josua ba n Dea Cheremibɔr nɔ bini, ásɛ n kpɔ n waa bwa do o nɔn ta.” Anee Mosis ne Josua la Korowii Dea Cheremibɔr bela.

Mmarare 31:14 Referans Kwoze

Nɛra Kura 27:13

Dɛ he kaa na harɛ la tonaa, he ɡee sewɔɔ ka ja he nɛra nɛɛ ɡɛ aa pu he dɔɔ Arɔn la.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Aesaya 38:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”

Wejereme 9:5

Weera jemɔ kɛ baa sewɔɔ, kɛ nɛra baa serewa aa wobɛlbwa jemɛ, ba ta kembɔr bɛlbwa dɔe, nɛra aa ba waa kwaraa lii kpa.

Job Tɔn 2:1

Awola bɛl ɡe ja, nyundua toroma la baa cheme Korowii sie, dɛ Bɔnsam ɡe ja bɛl.

Job Tɔn 1:6

Awola bɛl, nyundua toroma la Korowii be, dɛ Bɔnsam ɡe ja bɛl.

2 Koranar 1:4

Anomanta, ŋɔ kooro be ŋɔ waa Korowii aa dɛ bol laanee kɛŋɔ, ‘Haa ɡbaŋre dɛ́ ir le bela haa chɔa la, hɛɛ sewɔɔ.’ ” Asɛ Elaeja ɛ ɡɛ Korowii aa doo la.

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

Josua 24:1

Josua berɔ yerɛ Israel deene la bwa, ba nomonome la ne nɛra baa bol waa dɛɛ pa bole bwa cheme bwɛjen Sɛkem. Baa tel bela la, o yerɛ ba bwa ka che Korowii sie.

Josua 23:14

Josua ŋɔ, “N tɔpere telo kɛŋɔ n sewɛ. Hé bwa jemɛ he bambile ne he liire bwa bini kɛrɛdɛ kɛŋɔ wedɛɛɡa Korowii haa dɛ tomɔ la aa baɡɛ heyaa nyoa la bwa ɛɔ beŋkpoŋ kwaraa ta kae.

Mmarare 34:5

Anomanta, Korowii bonɔɔ Mosis sewɛ Moab harɛ ta bela ɡɛ Korowii aa ŋɔa waa ɡel o la harɛ la ta la.

Mmarare 32:50

Bwejen la taa hɛɛ ba sewa dɛ́ kaa he naawa be, kɛŋɔ he dɔɔ Arɔn aa sewɛ Hɔr Bwejen ta dɛ kaa o naawa be la.

Mmarare 31:2

O ŋɔ, “Taraken n di bene lafa fifraanɛ, maa won tɔ he sie kpa. Anɔ bwa habɔɔ la, Korowii ŋɔ n be ŋɔ, maa Jɔɔdan Moo baŋee le.

Kaala 34:2

Kpɔ he te kere chɔmbibi, ásɛ dɛ ba n be Sinai Bwejen la doa.

Mumpar 47:29

O seo tɔpere aa dɛ tel la, o yerɛ Josef dɛ ŋɔ o be ŋɔ, “Kpɔ nɔn do n hwie baah dɛ́ ŋwɛɛ kɛŋɔ nyina haa dɛ nyin mɛ ne kasinteŋ haa dɔa kohona tɛ mɛ nomanta, n sewaa, haa men Ijipt harɛ taa huɡe.

Kaala 33:9

O jo Tɛnte la bini naa, ɡɛɛ bam la waa do jaŋne dɛ le nyundua yon ba tɔ doonyoa, ásɛ Korowii bol waa o be.

Nɛra Kura 27:12

Awola bɛl, Korowii ŋɔ Mosis be ŋɔ, “Teeh kaa Abarim Bwejena dor, dɛ́ ka na harɛ maa kpɔa tɛ Israel tena.

Mmarare 4:22

Mɛɛ sewɛ harɛ nɔ taa, maa Jɔɔdan Moo baŋee le. Heyaa dɛɛ ba he le dɛ́ ka so bela harɛdɛɛɡe ompare la ta ó ɛ he kon.

Mmarare 31:13

A ɡɛ ŋwɛnɛ nɔ taa he naanar baa wola Korowii haa dɛ tomɔ nɔ waa noɛ bwa la che dɛ́ no. Ásɛ dɛ jemɛ waa la ta teŋa harɛ baa dɛ ba Jɔɔdan Moo ɡala dɛ́ ka so o ta la ta.”

1 Samoɛl 26:10

Dɛ berɛ ŋwɛɛ ŋɔ, “Korowii aa lole nɔ, dɛ o seo tɔpere ta tele o sewɛ, kɛɛ o sewɛ laa ta naa, Korowii ɡbabirii dɛ́ kpoo.

1 Koranar 2:1

Kooro Devid seo aa dɛ tel la, o yerɛ o bibaa Solomɔn dɛ ŋɔ o be ŋɔ,

Kaala 33:11

Dɛ Korowii ne Mosis dɛ bol waa dɔŋa be kɛŋɔ nɛn ne o dam ken. Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.

Nɛra Kura 27:18

Anee Korowii ŋɔ o be ŋɔ, “Kpɔ Nun bibaa Josua, onee N Doma so o nɛ. Kpɔ nɔn dawɛ o nɛɛ dɛ swee andɛɛɡa tɛo.

2 Koranar 20:1

Aa ba dɛ la sie la, weela lɔ Kooro Hɛsɛkea wɛɛ ba sewa. Asɛ Emɔɔs bibaa Korowii keame Aesaya la o be dɛ ka ŋɔ, “Waa Korowii aa dɛ bol laanee kɛŋɔ, ɛ he dem ne he wobɛlbwa kɛrɛdɛ, dɛkalkɛŋɔ haa he weela nɔ taa ir, hɛɛ chɔ he banɔn taa!”