Mosis ŋɔ Israel tena be ja ŋɔ, “N tɛ heyaa webele anɛ, ɡɛ haa ɛ dɛ́ na som, ne waa aa ba taahna ne he nɛ. Dɛ anɔ bwa baa chiɡ asɛ Korowii lɔ heyaa peɡre harɛre ta naa, belaa hɛɛ ba webele anɛ maa kpɔa tɛ heyaa la liira.
N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.
Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.
Anomanta, he yerɛ he deene la nomonome, ne banɔ la baa chɔ he nyoa ba cheme n sie, ásɛ n bol waa nɔ bwa tɛɛ ba, dɛ́ yerɛ nyundua ne harɛ a chɔ dɛ́ ɛ danseɛ.
Waa Korowii aa dɛ bol ɡɛ nɛra la be laanee kɛŋɔ, “Dɛ nɛra baa fɔɡɛ ba lure dɛ di n Ona Tɔpere la, dɛɛ ɛ waa aa dɛ su n siwi, dɛɛ di kasinteŋ n fɔo la ta naa,
Ate, Mosis ŋɔ Israel tena la be ŋɔ, “Hé no Mmarare bwa maa dɛ ba heyaa baɡla nɔ. Hé teŋɛ a ta dɛ́ dɔ he nyu ásɛ dɛ ka kpɔ harɛ Korowii he naawa aa tomɔ aa kpɔa dɛɛ tɛ heyaa la.
Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.
Dɛ he teŋɛ Korowii haa dɛ tomɔ nɔ waa maa kpɔa dɛɛ tɛ heyaa fini nɔ ta, dɛɛ nyinu dɛɛ teŋɛ o waa ta kɛrɛdɛ naa, he wobɛlbwa ɛɛ do werii tɛ heya taeh. Wɛɛ swee andɛɛɡaa tɛ heya he dɔ mkpa harɛ haa dɛ la ka so o ta la ta.
Ate, Korowii berɛ ŋɔ men Jeremia be ŋɔ ń bol nɛra la be ŋɔ, “Hé no. Webele anɛ nɔɔ n kpɔ dɛɛ tɛ heya, ŋwɛnɛ haa che o ta dɔ mkpa, ne ŋwɛnɛ haa che o ta dɔ seo.
A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’