Mmarare 3:11 - mzwDBL

¹¹ Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”

Mmarare 3:11 Referans Kwoze

Mumpar 14:5

Asɛ bene fi dɛ anaarɛ ta la, Kedolaoma ne koranar bane baa ja o nɛɛ ka yo Refa tena baa lɔ Astarɔt Kanaim, ne Susi tena baa lɔ Ham, dɛ pɔ ba nɛ. Dɛ berɛ yo Emi tena ba harɛ bɛl waa chɔa dɛ kaa baa yerɛ bela Kiriataim ta dɛ pɔ ba nɛ.

Jeremia 49:2

Kɛ tɔpera ane dɛ ba, ásɛ n ɡel nɛra baa lɔ Amɔn harɛ bwɛjen Raba no laa lɔŋɔre. Bwɛjen la ɛɛ paɡroo dɛ́ berɛ dimɡbia, ásɛ o bwɛjeɡre aa baro bwa ɡe fuh. Belaa Israel tena ɛɛ ba banɔ la ba fa aa doŋ ba le ba harɛ ta la doŋa le. Men Korowiirii bola.

2 Samoɛl 12:26

Anɔ bwa habɔɔ, Joab teŋɔ dɛ kpɔ o laa tena ka yo Amɔn tena bwɛjen baa dɛ yerɔ Raba o ɛ koobwɛɛ la ta, dɛ pɔ ba nɛ.

Emɔs 2:9

Israel tena siwi taa n chɔɡ Amɔre tena kwaraa, dɛ ba kpekpeɡo ba bwara do kpeɡri, kɛŋɔ peleme daa ne dajena ken, asɛ n chɔɡ a nɔna ne a lune.

Emɔs 1:14

Mɛɛ ɡeloo nii ba fuh danjwɛjena aa bar bwɛjen Raba dɛ́ chɔɡ ba dekpeɡa. Dɔma ɛɛ do lɔŋɔree dɛ́ ba yoo ba awola, kɛŋɔ kawulewule aa dɛ ta ken.

Ɛsekeɛl 21:20

Ŋwɛnɛ la beŋkpoŋ ɛɛ chaɡle kooro la ŋwɛnɛ waa kpɔ o ta dɛ kaa Amɔn tena bwɛjen Raba la ta, ásɛ bɛl ɡe kaa Juda harɛ, Jerusalam bwɛjen baa ma danjwɛɛ baro la ta.

2 Samoɛl 11:1

Lɔmɔɡa saŋ koranar yon dɛɛ la laa la, Kooro Devid tomɛ Joab ne o laa nomonome dɛ Israel laa tena bwa. Ba kaa yo Amɔn tena dɛ pɔ ba nɛ, dɛ ka bar bwɛjen Raba ɡe cheme dɛ chɔɡ o bwa o berɛ dimɡbia, kɛ Kooro Devid te soɡe Jerusalam.

1 Samoɛl 17:4

Dɛ Filisti tena banyoo bɛl sɔne Goliat, o le Gat. O jaŋne ɡwaa naɡale anuanaarɛ, o le bela Filisti tena aa baŋre ba tɛnte deene la bini ba che.

Mmarare 2:20

Gɛ harɛ nɔ, dɛ nɛra bane baa dɛ yer ba Refa tenaa fa soɡe o ta. Amɔn tena dɛ yer ba Samsum tena.

Mmarare 2:11

Gɛ Anak tena nɔ, dɛ ba fa dɛ yer ba Refa tena. Moab tena dɛ yer ba Emi tena.

Wepila 21:17

O maɡɛ danjwɛɛ la. O kpeɡa del ɡe lɔ naɡale lafraanɛ dɛ fi dɛ anumɛl. Gɛ nɛwɛnyini aa dɛ maɡɛ kwaa la, ɡɛɛ o maɡa.

Josua 12:4

Basan Kooro Ɔɡ harɛ ja a ta. O ɛ Refa tena kooro waa ka mun dɛ di kora bwɛjena Astarɔt ne Edrei ta.

Josua 13:12

Kooro Ɔɡ waa ka mun ɛ Refa te dɛ di kora Astarɔt ne Edrei la harɛ jao. Dɛ Mosis yo a ɡɛ nɛra nɔ dɛ pɔ ba nɛɛ dɛ doŋ ba le harɛ la ta.

Ɛsekeɛl 25:5

Mɛɛ ɡeloo bwɛjen Raba berɛ nyoɡmare dibɔr, ásɛ Amɔn harɛ bwa ɡe berɛ peera chɔɔbɔr. Hɛɛ jemɔɔ kɛŋɔ menee Korowii.’

Mumpar 6:15

Dɛ he dɛ ba daka la kwaara aa, ɡel o jaŋne ɛ naɡale lafraanaarɛ fifraanue, ásɛ o paɡri ɡe ɛ naɡale fifraanuanɛ dɛ anue, ásɛ o jaŋne dɛ́ kaa nyundua la ɡe ɛ naɡale fifraanaarɛ dɛ anue.