Mmarare 29:5 - mzwDBL

⁵ Korowii tɔ he sie bene fifraanaarɛ pua hɛŋle ɡbo harɛ la ta he laala haa doa ta kɛɛrɛ, ɡɛɛ he naŋɡaware ɡe aa wola chɔɡɛ.

Mmarare 29:5 Referans Kwoze

Mmarare 8:4

He vala bini bene fifraanaarɛ bwa ta la, he laala ta he bwara ta kɛɛrɛ á ba ɛ kɛŋɔ he nakpale ɛɛ darawoo.

Nehemia 9:21

He nyiŋi ba nɛɛ bene fifraanaarɛ pua hɛŋle ɡbo harɛ ta, dɛ tɛɛ ba komɛlbwa baa dɛ nyin. Ba bwara laala ta kɛɛrɛ, ba napaala ta ɔɡrɛ.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

Matiu 10:10

Ŋwɛnɛ haa dɛ ba kaala la, he bɛlbwa bɛ pur kpɔ, dɛ bɛ batakaani bele anɛ kpɔ, dɛ bɛ naŋɡawa bele anɛ ne daŋɡbala kpɔ, dɛkalkɛ tom-ɛɛ kembɔr chɛo.

Mmarare 1:3

Baa le Ijipt harɛ bene fifraanaarɛ habɔɔ, korobie fi dɛ beŋkpoŋ tɔpere waa tɔ sie la taa Mosis bol waa Korowii aa ŋɔa o bol ba be bwa.

Josua 9:13

Ola tɔne yaa do sen a bini nɔ, dɛ anfalaa, kɛ hé nyiŋi na ɡɛ aa doa taraken, a bwa kɛɛrɔ. Ya laala ne naŋɡaware yaa doa bwa kɛɛrɔ, jaŋne ŋwɛnɛ la aa doa nomanta.”

Josua 9:5

Ba kpɔ naŋɡaobena aa kɛɛra baa nyara do, dɛ pa laala jɛɡle do. Dɛ paanoo baa kpoŋa la bwa holɔ dɛ kɔlɔme.

Kaala 7:7

Baa kaa bol waa la kooro be la, dɛ Mosis di bene fifraanuatoro, asɛ Arɔn ɡe di fifraanuatoro dɛ atoro.

Nɛra Kura 14:33

Asɛ he bii ɛ peteɡra dɛɛ ɡaaɡe pua hɛŋle ɡbo harɛ nɔ ta bonɔ bene fifraanaarɛ dɛɛ koh, á ɛ yarada haa wola dɔe la kembɔr, dɛ́ ka tel kɛŋɔ he bwa aa baa serewe kwaraa.

Kaala 6:7

Mɛɛ kpɔ heyaa ɛ n nɛra, ásɛ n ɡe ɛ Korowii haa dɛ tom mɛ. Anee dɛ́ ɡel he jemɛ kɛŋɔ menee Korowii haa dɛ tomɛ n lɛ heyaa le Ijipt tena nɔn ta.

Mmarare 8:3

O ɡelɔ lɔr kpo heyaa he pwɛr he te, asɛ o tɛ heyaa kondikwaa ane baa dɛ yera maana la he di, kondikwaa he ne he naawa aa wola an jemɛ bwa. O ɛ ɡɛ dɛ ɡel he jemɛ kɛŋɔ kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.

Yela 78:24

O tɛɛ ba kondikwa ane soo siwi aa le nyundua baa dɛ yera maana ba di.