Mmarare 29:29 - mzwDBL

²⁹ Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Mmarare 29:29 Referans Kwoze

Daneɛl 2:22

O dɛ le kwaa aa sɔah baa wola an na ne baŋ, o jemɛ kon waa lɔ biro ta, asɛ nii baro cheme dɛɛ chaah.

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

1 Kɔrent 2:16

Korowii Tɔn bini ba pɛɛrɔ ŋɔ, “Nɛn besoo dɛ won jemɛ Korowii liire o? Umee dɛ won baɡlo waɔ?” Kɛ ya te dɔ Yeesu Kristo liire.

Yela 25:14

Nɛra baa dɛ duu Korowii la, o kpɔ ba ɛ o daamanar, o ɡelɔ o ne ba fɔo baa fɔwa la che kiŋkiŋ.

Emɔs 3:7

Nemenɛ Korowii aa waanee ɛ, dɛ o ta a bini pile baɡle o bonɔɔna baa ɛ o keamere.

2 Timoti 3:16

Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi.

Daneɛl 4:9

Asɛ n ŋɔ Bɛltesasa waa ɛ dobodobo tena bwa nomoa la be ŋɔ, ‘N jemɔ kɛ voɡa aa wola nɛwɛnyina ɛɛ ane tɛɛ kpeɡri, asɛ wesɔɔhla bɛlbwa toole dɛ do kpeɡri tɛɛ. N deera maa deera laanee la. Baɡ mɛ a mun.

Jeremia 23:18

Kɛ keamere nɔ bɛlbwa aa Korowii liire ne o wesɔɔhla jemɛ. Bɛlbwa toole dɛ no, kɛɛ dɛ jemɛ o waa la mun.

Matiu 13:35

Gɛ waa ɛa nɔ ɡelɔ waa Korowii keame la fa aa bola la ɛ kpela. O fa ŋɔ, “Mɛɛ kpɔ sɛɡlaa bol wa chaɡle heya. Waa nomɛlbwa aa wola jemɛ bwa le harɛ nɔ mumpar la, mɛɛ bol ba bee.”

Amanesoma Jɔn Aa Chwera Tɔn 15:15

Maa heyaa n bonɔɔna yerɛ kpa, dɛkalkɛ bonɔɔ naa won jemɛ o nomoa waa bini. N daamanaree mɛɛ yerɛ heyaa name te, dɛkalkɛ n ɡelɔ he jemɛ wobɛlbwa maa noa dɛ le n Mɛɛ be.

Aesaya 8:20

Báa teŋɛ me Mmara ne n webaɡla la ta! Dɛ ba ta ɡɛ waa la aa dɛ baɡle la bolaa, amɔ te a do kɛŋɔ baa soɡe biro ta ken.

Sɛɡla 3:32

Korowii kii nɛn o ŋwɛnɛre aa ɡola, o dɔ hwɛɡa tɛ nɛn o wa aa toɡra, dɛɛ bol o waa o be.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Mmarare 6:7

Hé kpɔa baɡle he bii. Hɛ́ɛ dalawe a ta, he dem soɡa bini ne ŋwɛnɛ bɛlbwa haa dɛ kaa, hale he chɔe ne he ira bini bwa.

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Mmarare 30:2

Dɛ he ne he naanar berɔ ba Korowii haa dɛ tomɔ be, dɛ no o waa maa dɛ do heyaa fini nɔ ta he bambile bwa ne he hweera bwa ne naa,

2 Timoti 1:5

N dɛ lii ɡɛ haa kpɔ kasinteŋ dɛɛ yarada Korowii ɡɛ he naa Lowis ne he nya Yunis fa aa dɛ yaradao la. N jemɔ kɛ ɡɛ ba fa aa yarada Korowii dɛ kpɔ ba te tɛo la, ba luɡe taa he den teŋɛ la.

Amanesoma Jɔn Aa Chwera Tɔn 21:22

Belaa o chaŋo ŋɔ, “Dɛ n dɛ nyin kɛ o so le dɛ ka tel saŋ maa ba kwaraa naa, he waanee yaa? He te ɛɛ teŋɛ n nɛ!”

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

Mumpar 41:16

Anee Josef ŋɔ, “N naa, n laa dɛ́ baɡle deera nɔ mun. Korowiirii dɛ́ won baɡle a mun tɛɛ.”

Sɛɡla 25:2

Ya kpɔ duure dɛɛ tɛ Korowii sɔeh waa kpɔ waane sɔh yaa, ɡɛɛ koranar ɡe dɔ duure pila baa pili waa dɛɛ nyiŋi a bini.