Mmarare 28:8 - mzwDBL

⁸ Korowii haa dɛ tomɔ nɔ ɛɛ cha heyaa he toma taa, ásɛ he dɔndɔŋre su mea. Wɛɛ cha heyaa harɛ waa kpɔa dɛɛ tɛ heyaa nɔ taa.

Mmarare 28:8 Referans Kwoze

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Lewi Dea Tena 26:10

Hɛɛ dɔ kondikwaa di a ka anfala baa pua, ásɛ he le ambena la ne ka ta, dɛ́ dɔ bɔr do anfala la.

Yela 133:3

A wer kɛŋɔ mɛn aa le Hɛmɔn Bwejen ta, dɛɛ lee Saayɔn Bwejen doa ken. Belaa Korowii baɡɛ o nɛra nyoa ŋɔ, wɛɛ swee o nɛra andɛɛɡaa, bá dɔ mkpa saŋ bɛlbwa dɛɛ la.

Amanesoma Luk Aa Chwera Tɔn 12:18

Anee o ŋɔ, ‘Mɛɛ paɡre n dɔndɔŋre nɔɔ dɛ́ ɛa a do kan, ásɛ n mea ne n kwaa bwa dɔ bɔr jo a bini.’

Matiu 6:26

Hé ta sie nyiŋi jumbii na. Aa kwaa du, aa komɛ, a ta bela aa komɛ kwaa do dɔe, kɛ he Mɛɛ waa lɔ nyundua la dɛ́ tɛa kondikwaa aa di. He ta jumbii nɔ ɡwaalaa?

Yela 42:8

Korowii dɛ baɡle o nyina aa wola jaɡa dɔe n nɛɛ webaŋa, a ɡel n ɡo yel tɛo jwaana, dɛ soŋe Korowii waa ɡela n so le.

Lewi Dea Tena 25:21

Mɛɛ ɡeloo harɛ la do wer kohona bennumɛl la ta, ásɛ kondikwaa aa le o ta ba la won tel heya bene atoro.

Haɡae 2:19

Mea tonɔ, asɛ ɡrepo ne fiɡ daa, ne pɔmeɡranet dɛ ɔleve daa ta nɔnɛ mɔɔ, kɛ le fini dɛɛ la mɛɛ swee andɛɛɡaa tɛ heya.”

Yela 144:13

Gel koo kondikwaare bwa soo siwi su ya dɔndɔŋre bini. Gel ya peera ya kaɡboŋa, hale kaɡboŋa fifi.

2 Koranar 6:27

O chaŋe ŋɔ, “Dɛ Korowii ta hen chae yaa, bɔkwaa mɛɛ ba wona ɛɔ? N ta mea kɛɛ sen dɔe dɛ́ chae.”

Matiu 13:30

Hé ɡel a bwa pɛ che dɛ́ kpeɡ. A koma ta la, mɛɛ ŋɔ nɛra baa dɛ ba a koma la bee bá tɔ sie kɛ kpɔɡchɔɡa la, dɛ́ vɔrɔwa, dɛ́ che ka ta nii ta dɛ́ fuah, mɔɔ dɛ́ ba komɛ mea tenten la, dɛ́ pa ka do mɛ n dɔndɔŋ bini.’ ”

Yela 44:4

Henee kooro ne Korowii maa dɛ tomɛ, dɛ ɡel he nɛra Israel tena yo, dɛɛ pɔ ya dɔma nɛ.

Mmarare 15:4

Korowii haa dɛ tomɔ nɔ ɛɛ swee heyaa andɛɛɡa kohonaa, he bini bɛlbwa aa wola nya bwa, harɛ waa kpɔa dɛɛ tɛ heyaa la ta.

Mmarare 28:7

Korowii ɛɛ pɔ he dɔma nɛɛ tɛ heya. Baa kpɔ ŋwɛnɛ beŋkpoŋ taa dɛ́ ba yo heya, kɛ wɛɛ ɡeloo ba chwa peɡre.

Mmarare 28:20

Dɛ he vɛh Korowii aa, wɛɛ kpɔ wekpeɡaa ta he nɛ, he berɛ wili dɛɛ na waa wobɛlbwa haa dɛɛ ɛ ta, dɛ́ ka tel kɛŋɔ waa chɔɡ heyaa warane kwaraa.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 128:2

Naate ɛɛ di o koeh tɔnɔɔ, dɛ́ na som o wobɛlbwa do wer tɛo.