Mmarare 28:64 - mzwDBL

⁶⁴ Wɛɛ lɔ heyaa peɡre harɛre ta bobɛlbwa kaa o jaɡa, ásɛ he kaa tomɛ kwaa baa kpɔ daa ne bwea ɛa. Voɡa he ne he naawa aa wola an jemɛ bwa.

Mmarare 28:64 Referans Kwoze

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Jeremia 16:13

Anomanta, mɛɛ kpɔ heyaa ka ta harɛfale he naawa aa wola o ta jemɛ bwa ta, ásɛ he kaa tomɛ voɡare bela chɔɔ ne jwaana. Maa he nɛɛ suna ba!’ ”

Nehemia 1:8

Lii waa he fa aa do he bonɔɔ Mosis dɛ ŋɔ, ‘Dɛ he Israel tena waa ta kasinteŋ dɔe yaa, mɛɛ lɔ heyaa peɡre harɛre ta,

Mmarare 28:36

Mosis berɔ ŋɔ, “Wɛɛ kpɔ he ne he kooroo kaa harɛ he ne he naawa aa wola bela jemɛ, ásɛ he kaa tomɛ voɡa, kwaa baa kpɔ daa ne bwea ɛa.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Jeremia 50:17

Israel tena do kɛŋɔ kondɛɛra nyujentena aa chwaa teŋɛ a nɛɛ a peɡre ken. Asiiria koojen do kɛ nyujente dɛ lawɛ Israel tena, asɛ naate waa ka mun paɡre Israel tena hoɡa laanee Babelɔn Kooro Nebukadnesa.”

Mumpar 4:14

Na, he doŋ mɛ le he sie ne para ta. Taraken nɔ, maa soŋnibɔree dɔ harɛ nɔ ta bobɛlbwa kpa. Gaaɡa ɡboo mɛɛ ba mɛɛ ɡaaɡe, ásɛ nomɛlbwa waa na mɛ la, ó kpo mɛ.”

Mmarare 4:32

Hé ta sie nyiŋi waa aa bala mɔɔ ba lolɛ heyaa la. Dɛ́ berɛ le ɡɛ saŋ Korowii aa ta nɛn ba harɛ nɔ ta la na. Hé ta sie nyiŋi harɛ nɔ bwa ta, waane aa do kan ɡwaa anɔ dɔŋ chiɡo kɛɛ he no a dɔŋa kaa?

Mmarare 29:26

Ba kaa tomɛ voɡa baa wola an tomɛ bwa, voɡa Korowii aa kah ba ŋɔ ba bɛ an tomɛ la.

Mmarare 30:1

Mosis ŋɔ Israel tena be ja ŋɔ, “N tɛ heyaa webele anɛ, ɡɛ haa ɛ dɛ́ na som, ne waa aa ba taahna ne he nɛ. Dɛ anɔ bwa baa chiɡ asɛ Korowii lɔ heyaa peɡre harɛre ta naa, belaa hɛɛ ba webele anɛ maa kpɔa tɛ heyaa la liira.

Mmarare 32:17

He kpoo kwaa tɛ daabii yaa wola an na, voɡfala he naawa aa wola an jemɛ, voɡa he Israel tena aa wola sie a be doe ka.

Mmarare 32:26

N fe ŋɔ mɛɛ lɔ he bwaa peɡre, ásɛ nomɛlbwa bɛ he waa lii kpa.

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

2 Koranar 25:21

Ribla waa lɔ Hamat harɛ taa Babelɔn kooro ɡel ba kpoo ba bela. Gɛɛ a do ba lawɛ Juda tena le ba harɛ ta, dɛ kaa ba ne bojaŋ harɛfale ta.

Yela 44:11

He ɡelɔ ba kpoo yaa kɛŋɔ peera ken, dɛ lɔ yaa peɡre harɛre ta.

Aesaya 6:12

Mɛɛ doŋi nɛra laanee kaa bojaŋ, dɛ́ ɡel harɛ la bwa chɔ pɛɛ.

Jeremia 9:16

Mɛɛ lɔ baa peɡre harɛre ba ɡbabir kɛɛ ba naawa aa wola an jemɛ ta. Dɛ ɡel laa tena ti ba ka tel kɛŋɔ baa kpoo ba bwa kwaraa.’ ”

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Wiile 1:3

Ba fiiɡi Juda tena baa lɔ Jerusalam kohona, dɛ laɡ ba laa ta kaa bojaŋ harɛ ta. Ba lɔ harɛfala ta, ba ta bosɔɔhna bɛlbwa dɔe. Ba dɔma bar ba cheme, ba ta bɔr dɔe dɛ́ le chwa kaa.

Ɛsekeɛl 20:23

N berɔ ir nɔn, dɛ ŋwɛɛ baɡ ba pua hɛŋle ɡbo harɛ ta bela kɛŋɔ, mɛɛ lɔ baa peɡre harɛ nɔ ta bwa,

Ɛsekeɛl 36:19

N lɔ ba peɡre harɛre ane ta, ba do harɛre ta bobɛlbwa, asɛ n pa ba bolchɔɡe ba we-ɛɛla la wa.

Sekaria 7:14

N lɔ ba peɡre harɛfala ta kɛŋɔ kawulewule aa lɔ haahra dɛɛ peɡre la ken, bela ba fa aa kaa ɛ hɔɔhra la. Harɛdɛɛɡe la chɔ pɛɛ, nomɛlbwa toole o ta.”

Mmarare 13:8

he bɛ sɛh, he bɛ on sie tɛ, he bɛ o sum ɡe na.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Sekaria 2:10

Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.”