Mmarare 26:6 - mzwDBL

⁶ Ijipt tena la fiiɡi yaa dɛ ɡel ya ɛ tomkpeɡa dɛ na wahala.

Mmarare 26:6 Referans Kwoze

Kaala 1:11

Anomanta, ba le nomonome ba chɔ ba nyoa, dɛ do ba baa ɛ tomkpeɡa. Dɛ ɡel ba do bwɛjena Petɔm ne Rameses, dɛɛ cheɡ kondikwaa a bini dɛɛ tɛ kooro.

Kaala 1:14

Ba ɡelɔ baa teŋe berekese, dɛɛ ma Ijipt tena deene, dɛɛ ɛ ba kooni toma te bwa soo siwi. Ba ta ba nɛɛ sune, ba fiɡ ba taeh.

Mmarare 4:20

He te la, Korowiirii kpɔ heyaa le Ijipt harɛ bela waa do wɔrɔbe he nɛɛ kɛŋɔ bela loɡre aa dɛ do buni wɛɛ be la, dɛ ŋɔ hé ba ɛ o ɡbaɡba nɛra ba le fini la.

Kaala 5:23

Le a ɡɛ saŋ maa cheɡɛ he sɔn ta dɛ ka bol waa la Ijipt kooro be la, teŋaa ba teŋɛ dɛɛ na wahala, asɛ he ɡe den vɛh ba lɛɛ kwara.”

Kaala 5:19

Hibru tena baa chɔ ba bala nyoa la aa noa kɛŋɔ baa dɛɛ teŋe berekese ɡɛ tɔpere bɛlbwa baa maɡa tɛɛ ba wubwa la, belaa ba na kɛŋɔ taraken te waa puu ba.

Kaala 5:9

Hé tɛɛ ba tomkpeɡa aa ɡwaa wubwa kwaa la, ásɛ ba bɛ bɔr dɔ dɛɛ no nyosonteŋna wobol.”

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

Kaala 1:16

“Dɛ he dɛ lɛ Hibru haahna lol dɛ na kɛŋɔ bibaalaa yaa, hé kpoo ba, kɛ dɛ bihaahnaa tenaa, hé ɡel ba.”

Kaala 1:8

Belaa koofale bɛl waa wola Josef waa jemɛ ba di kara Ijipt harɛ ta.

Mmarare 26:7

Anee ya wi no Korowii ya naawa aa dɛ tomɔ la, asɛ o no ya be. O na ɡɛ baa dɛ do yaa tomkpeɡa ta ne wahala yaa lɔ a ta.

Nɛra Kura 20:15

Gɛ ya naawa aa kaa Ijipt harɛ ta, asɛ ya ka bela biɡri, Ijipt tena fiiɡi yaa,