Mmarare 25:9 - mzwDBL

⁹ haah la laa ɡɛ baa la naŋɡawa beŋkpoŋ foo nomonome la sie ta bela, dɛ́ ta nentane ta o sie ta dɛ́ ŋɔ, ‘Anɔɔ ba kpɔ dɛɛ ɛ baa waa wola nyin kɛ o dɔɔ kɛɛ nime dɔ dwee.’

Mmarare 25:9 Referans Kwoze

Nɛra Kura 12:14

Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”

Amanesoma Jɔn Aa Chwera Tɔn 1:27

Men bala mɔɔ o ba, kɛ o ɡwaa mɛ. Maa o napaa tee kwaraa dɔ.”

Amanesoma Mak Aa Chwera Tɔn 10:34

Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Amanesoma Mak Aa Chwera Tɔn 1:7

O ŋɔ nɛra la be ŋɔ, “Nomɛl dɛ ba n habɔɔ dɛ́ ɡwaa mɛ. Maa o napaa tee kwaraa dɔ.

Matiu 27:30

Asɛ dɛ ta nentane dɛɛ ta o nɛ, dɛ kpɔ daa la dɛɛ cha o nyu.

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Aesaya 20:2

a ɡɛ saŋee Korowii che Emɔɔs bie Aesaya nɛɛ dɛ bol ŋɔ, “Ka laa lweyal wur bil, dɛ́ laa naŋɡawa parame he nakpale.” Asɛ Aesaya ka ɛ ɡɛ, dɛ valɛ dakpaŋ ne o nakpapɛɛ ne.

Job Tɔn 30:10

Ba hah mɛ, baa men bɛne, baa waa haŋre, dɛ ta nentane dɛɛ ta n siebɔr.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Mmarare 25:8

Ásɛ nomonome la yerɛ baa la dɛ́ bol waa baɡlo. Dɛ o ta cheɡɔ ŋɔ, waa on nyin aa,

Mmarare 25:10

Ásɛ baa yerɛ baa la bii Israel harɛ ta ŋɔ, ‘Baa la ba fa aa laa o naŋɡawa beŋkpoŋ foo la bii.’

Rut Tɔn 4:6

Belaa baa la chaŋe ŋɔ, “Mɛɛ yawɔɔ n bii aa harɛ la kpeɡrii ba dɔ tenaa, maa won. Hɛɛ wonoo waa, he yawɛ.”