Mmarare 24:19 - mzwDBL

¹⁹ Dɛ he komɛ koo kondikwa dɛ soh ane waa bela aa, he bɛ ka kpɔ kpa. Hé ɡela tɛ nɛŋhɔɔhra ne bilalbii ne luhaahna, ásɛ Korowii haa dɛ tomɔ nɔ swee heyaa andɛɛɡa wobɛlbwa haa dɛ ɛ ta.

Mmarare 24:19 Referans Kwoze

Lewi Dea Tena 23:22

He dɛ komɛ he koo kondikwa aa, he bɛ anɔ la aa lɔ koo nyoa tenten la komɛ. He bɛ anɔ la aa leera la ɡe kuuh dɛɛ ja. He ɡela tɛ nyaara ne hɔɔhra. Menee Korowii haa dɛ tom mɛ la.”

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Amanesoma Luk Aa Chwera Tɔn 6:38

Hɛ́ɛ tɛ dɔŋa kwa, ásɛ Korowii ɡee tɛ heya a do kan kohona. Korowii dɛ ba he tɛɛ yaa, wɛɛ maɡaa, dɛ́ jwiira, dɛ́ ɛɡra a jo kɛrɛdɛ, dɛ́ su porrr ken dɛɛ ta. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.”

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Yela 112:9

Waa nɔn nyore, o dɛ tɛ nyaara tɛɛ tenten, o wedɛɛɡa ɛɛ ta jaɡa dɔe, wɛɛ di kpeɡrii dɛ dɔ jirima.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Mmarare 26:13

he ŋɔ Korowii haa dɛ tomɔ be ŋɔ, ‘Komɛlbwa aa chɛ kɛ ń bɔne a bini bɔre fi la, n kpɔ a bini bɔrbeŋkpoŋ tɛ Lewi dea tena ne hɔɔhra ne bilalbii ne luhaahna ɡɛ haa do mɛ la, bɛlbwa ta n be kae. N ta he Mmara kone, n ta a waa soɛh.

Rut Tɔn 2:16

Hɛ́ɛ won tɛr ane le anɔ la haa boa a nyoa bil la ta, ásɛ o ba pa. He bɛ o nɛɛ nyɛɡ.”

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Sɛɡla 14:21

Nɛn waa dɛ na nyaara sum la, o na som, kɛ a ɛ wechɔɡa kɛŋɔ he hah he dɔŋ, dɛɛ nyiŋi o nyubaah.

Mmarare 24:18

Hé lii kɛŋɔ he fa di somanjiri Ijipt harɛ ta, asɛ Korowii haa dɛ tomɔ nɔ lɛ heyaa le bela. A waa ɡela mɛɛ do heyaa ŋɔ hé ɛ ɡɛ la.

Rut Tɔn 2:2

Awola bɛl, Rut ŋɔ Naomi be ŋɔ, “N poori, tɛ́ mɛ ŋwɛnɛ ń la nomɛlbwa waa na n sum koo ta dɛ́ ka kuuh mea.” Anee o sɛh dɛ ŋɔ, “N bie, kaa.”