Mmarare 23:9 - mzwDBL

⁹ Anee Mosis berɛ ŋɔ, “Dɛ he kaa baŋre he tɛnte deene bobɛl dɛ́ ka yo he dɔma aa, hé laa he te kpɔ waa aa ɡel hé kah doŋa ta.

Mmarare 23:9 Referans Kwoze

Josua 6:18

Hé laa nɔn kpɔ kwaa haa lea cheɡ tɛ Korowii la ta, ásɛ a bɛ heyaa bichɔɡe ba lolɛ. Dɛ ɡɛ laa aa, chɔɡa tentenee he nyin baa dawɛ he Israel tena nɛɛ bela haa baŋre he tɛnte deene la.

2 Webena 19:4

Dɛ Kooro Jehosafat soɡe Jerusalam, kɛ o yon ir la harɛ la nɛra be, le Beɛseeba waa lɔ weekaŋle harɛbɔr, ne Efrem deŋɡarere harɛ waa lɔ weekaŋle nyunduabɔr, dɛ charɛ ba liire le Korowii ba naawa aa tomɔ la be.

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

Amanesoma Luk Aa Chwera Tɔn 3:14

Soojare bane ɡe ba o be dɛ ba bɔɔro ŋɔ, “Asɛ ya ɡe sɛh? Ɛrɛɛ chɛ kɛŋɔ yá ɡee ɛɔ?” Asɛ o ŋɔ ba ɡe be ŋɔ, “He bɛ nɛra ɛɡre dɛɛ lɛ suuɡa ba be, dɛ bɛ nomɛlbwa ɡe suuɡa lɛ dɛ tɔ o wechɔɡa ta. Hé ɡel he kembɔr ɛɛ su he siwi.”

2 Webena 31:20

Gɛɛ Kooro Hɛsɛkea ɛ Juda harɛ ta bwa, dɛɛ ɛ waa aa wera dɛ toɡre Korowii waa dɛ tomɔ la be.

Mmarare 23:8

Le ba naanar baa teŋa bele batoro ta, dɛɛ kaa la ken ɛɛ ba ja Korowii nɛra nɛɛ.”

Mmarare 23:10

Dɛ he bini bɛl chɔɔ dɛ dee o bwara ba naa, a ɛ doŋa wa. Ó le he bini dɛ́ ka so he habɔɔ.

Aesaya 56:3

Dɛ nɛŋhɔɔh kpɔ o te ja Korowii nɛra nɛɛ aa, o bɛ ŋɔ, “Korowii aa men lɛ ja o nɛra baa dɛ tomɔ nɛ.” Nomɛlbwa baa fɔɡɛ o lur ɡe bɛ ŋɔ, “N te heo.”