Mmarare 23:7 - mzwDBL

⁷ He bɛ nɛra baa dɛ yer ba Edom tena hah, he lolanaree dɔŋa. Gɛɛ Ijipt tena ɡe, he bɛ ba ɡe hah, he fa soɡe ba harɛ ta kɛ hɔɔhra ka.

Mmarare 23:7 Referans Kwoze

Mmarare 10:19

Anomanta, hé ɡe nyin hɔɔhra wa, dɛkalkɛŋɔ he ɡe fa ɛ hɔɔhra Ijipt harɛ ta ka.

Kaala 22:21

Hɛ́ɛ berɛ nɛŋhɔɔh hɔhɔrɔwa doe kɛɛ dɛɛ fiiɡu, dɛkalkɛ he ɡe fa ɛ hɔɔhra Ijipt harɛ ta ka.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Kaala 23:9

He bɛ nɛŋhɔɔhra hɔhɔrɔwa dɛɛ ɛ. He ɡbabir jemɛ ɡɛ hɔɔh wa aa doa, dɛkalkɛ dɛ ɡɛɛ he faa ɛ nɛŋhɔɔhra Ijipt harɛ ta.

Nɛra Kura 20:14

Kades belaa Mosis tomɛ toroma Edom kooro be ŋɔ, “He lolanar Israel tenaa yaa, he jemɛ ya wenaale yaa lɔ a ta wubwa la.

Mumpar 25:30

Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Yela 105:23

Ate, Jekɔb ne o bii ir dɛ kaa Ijipt harɛ ta ka so kɛŋɔ hɔɔhra ken.

Mumpar 47:27

Israel tena soɡe Ijipt harɛ Gosen pera, dɛ dɔ kondɔɔh asɛ ba mun ɡe ya kohona.

Mumpar 47:12

Josef tɛ o mɛɛ ne o dɔɔranar, ne o mɛɛ lolanar bwa kondikwaa baa di. O tɛɛ ba ɡɛ del aa tel ba.

Mumpar 47:6

Ijipt harɛɛ chɔa kaa la. Harɛ la bela waa wera la, kpɔ he mɛɛ ne he dɔɔranar ka so o ta. Dɛ he nyiŋi ba bini dɛ na kɛŋɔ bane ɛɛ won nyiŋi kondɛɛra ta kɛrɛdɛ naa, kpɔ n ɡbaɡba kondɛɛra la do ba nɔn ta.”

Mumpar 46:7

o bibaala ne o bihaahna ne o naanar baa ɛ bibaala ne bihaahna bwa.

Mmarare 23:8

Le ba naanar baa teŋa bele batoro ta, dɛɛ kaa la ken ɛɛ ba ja Korowii nɛra nɛɛ.”

1 Koranar 11:25

Kooro Solomɔn saŋ bwa dɛ Resɔn ɛ Israel tena dɔm, dɛ ja anɔ la Kooro Hadad aa ɛa la ta dɛ hah Israel tena. Anomanta, Resɔn di kora Aram harɛ ta dɛ ɛ Israel dɔm.

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’