Mmarare 23:21 - mzwDBL

²¹ Dɛ he baɡɛ Korowii haa dɛ tomɔ nɔ nyoa aa, chuɡra warane ásɛ a bɛ wechɔɡa ba berɛ tɛɛ. A ɛ wobɛlbwa Korowii haa dɛ tomɔ nɔ ɛɛ lɛo le he be.

Mmarare 23:21 Referans Kwoze

Yela 116:18

He nɛra warɔ dɛ cheme aa, belaa mɛɛ ba n nyobaɡa maa baɡɛ la chuɡra,

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Mmarare 23:18

Bɛ jwamansuuɡa ne Korowii Dea ba dɛ́ ba bɔ nyobaɡa bɛlbwa. Dɛkalkɛŋɔ Korowii haa dɛ tomɔ nɔ kii.

Matiu 5:33

Anee Yeesu berɛ ŋɔ, “He noɔ kɛ baa ŋɔ saŋ la tena be ŋɔ, ‘He bɛ waa haa baɡɛ nyoa dɛ ŋwɛɛ a ta la ta koni. Hé ɛ waa la tɛ Korowii.’

Jona 1:16

Asɛ ɔmee lawɛ nɛra la bwa kohona Korowii wa, ba kpo kwaa ɛ saraha tɛo, dɛ baɡɔ nyoa ŋɔ baa tomɔɔ.

Yela 56:12

N Naa Korowii, henee n baɡɛ nyoa, mɛɛ kpɔ n jam kwaa ba tɛɛ.

Mumpar 28:20

Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Jona 2:9

Kɛ n te, mɛɛ jaame yel nee, anee dɛɛ ba saraha ɛɛ. Nyoo maa baɡa bwa, mɛɛ chuɡraa. Korowiirii dɛɛ lɛ nɛwɛnyini.”

Mmarare 23:22

Dɛ he ta nyoa baɡaa, a ta wechɔɡa ɛɛ.

1 Samoɛl 20:16

Bɛ ɡel fɔo n ne haa fɔwa la chɔɡ. A ba ɡɛ naa Korowii ɛɛ tɛr he deŋnee.”

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Yela 50:14

Hé kpɔ jam ɛ saraha tɛ men Korowii, dɛ́ ka chuɡri he nyobaɡa bwa Nemenɛ Korowii be.

Yela 61:8

Anee dɛ́ ɡel n ɡo yela kpɛɛ he sɔn saŋ bɛlbwa, dɛɛ chuɡri n nyobaɡa tɔpere bɛlbwa.

Kaala 22:24

Ásɛ n baah di he nɛɛ kohona he serewe laa ta. He haahna ɛɛ ɛ luhaahnaa, ásɛ he bii ɡe berɛ bilalbii.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 15:3

Dɛ hɔɔh te di he kem aa lɛ, kɛ he bini bɛl te di o dɔŋ kem aa, wɛɛ berɛ lɛɛ.

Yela 15:5

ne nɛn waa dɛ kemɛ suuɡa, waa wola a nee lɛ, ne nɛn waa wola sɛɛh baa yawɔ sen, dɛ di dansewea dawɛ nɛn waa wola wechɔɡa ɛɛ nɛ. Nɛn waa dɛ ɛ a ɡɛ waa nɔ bwa la, o wobɛlbwa ɛɛ do werii tɛo.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.