Mmarare 23:11 - mzwDBL

¹¹ Ásɛ aa dɛɛ ɛ jɔmɔra la ó sɔ ne, ásɛ wee joɔ waa, ó ba jo he bini.

Mmarare 23:11 Referans Kwoze

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Lewi Dea Tena 15:5

Nomɛlbwa waa leɡe o chɔɔbɔr chɛ kɛŋɔ ó chɛɡɛ o laala dɛ́ sɔ ne. O kah doŋa ka tel jɔmɔra.

Lewi Dea Tena 14:9

Tɔpenuanɛ wee la telaa, a chɛ kɛ ó berɛ fonɛ o nyu, ne tampona ne sikoŋpona dɛ o bwara pona te bwa. Ó chɛɡɛ o laala dɛ́ sɔ ne, ásɛ doŋa la bwa den le o nɛɛ kwaraa.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Yela 51:2

Sɔ n wechɔɡa ta, kɛŋɔ baa kpɔ nee dɛɛ yaɡle doŋa la, ásɛ wechɔɡa bɛlbwa le n nɛ,

Lewi Dea Tena 22:6

Sɔfo bɛlbwa waa leɡe a ɡɛ kon nɔ bɛlbwa la kah doŋa ka tel jɔmɔra. Waa berɛ won di saraha kwaa aa do ɡoroŋ la bɛlbwa, nemenɛ ó sɔ nee mɔɔ.

Lewi Dea Tena 15:13

Ba chah nomɛl waa do ɡɛ naa, tɔpera anuanɛ mɔɔ naate won laa doŋa kpɔ o nɛ. A chɛ kɛ ó chɛɡɛ o laala, dɛ́ dɔ nee waa dɛ palɛ ba tɛo ó sɔ, dɛ doŋa bɛlbwa toole o nɛɛ kpa.

Lewi Dea Tena 15:11

Nomɛlbwa a ɡɛ nɛn nɔ aa leɡo dɛ o ta nɔɔra samɛ mɔɔ la chɛ kɛŋɔ ó chɛɡɛ o laala dɛ́ sɔ ne, naate la kah doŋa ka tel jɔmɔra.

Lewi Dea Tena 11:25

Bɛlbwa waa ka kpɔ a bɛlbwa lale la chɛ kɛŋɔ ó chɛɡɛ o laala. O kah doŋa ka tel jɔmɔra.

Lewi Dea Tena 15:16

Dɛ baa bane bala aa, a chɛ kɛŋɔ ó ɛ nee dɛ́ sɔ o bwara bwa, o kah doŋa ka tel jɔmɔra.

Mmarare 23:10

Dɛ he bini bɛl chɔɔ dɛ dee o bwara ba naa, a ɛ doŋa wa. Ó le he bini dɛ́ ka so he habɔɔ.

Mmarare 23:12

Hé kwaa bɔr bela haa baŋre he tɛnte deene dɛ so la habɔɔ, ásɛ dɛɛ bɛɡɛ dahara bela.