Mmarare 22:21 - mzwDBL

²¹ ate bá lawɛ haah la ka so o mɛɛ dem doonyoa, ásɛ o bwɛɛ baala foɡro bwea kpo, dɛ́ le ɡɛ wechɔɡa la ne Israel harɛ ta. O ɛ sihihwa kɛŋɔ waa soɡe o mɛɛ dem dɛ bɔ jwamane la.

Mmarare 22:21 Referans Kwoze

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

Sitɔɔla 20:6

N kpɔ o lale la dɛ ba mɔne o bini bɔne tɛ Israel deene fi dɛ anɛ la bɛlbwa, ásɛ a chaɡle wedoŋa ne waa baa kia ba ɛa Israel harɛ ta la.

Sitɔɔla 20:10

Yá kpɔ nɛra fi le nɛra lafa bɛlbwa bini Israel dea bɛlbwa ta, ásɛ baa tɛ ba laa tena la kondikwa. Ásɛ dɛ laa tena la tel Gebea waa lɔ Bɛnjamen dea harɛ ta naa, bá dɔ kondikwaa á tel ba, bá won yo Gebea tena la dɛ́ tɛr ba deŋne, wedoŋa baa ɛa Israel harɛ ta la wa.”

Mmarare 21:21

Ásɛ bwɛɛ la baala foɡro bwea kpo, dɛ́ le ɡɛ wechɔɡa la le he bini. Ásɛ Israel tena bwa no dɛ́ ɔmɛ.”

Mmarare 19:19

ate hé ɛ dansewea te la ɡɛ o fe aa dɛ nyin kɛ ba ɛ o dɔŋ la, ásɛ dɛ laa wechɔɡa la kpɔ le he bini.

Mmarare 17:7

Dɛ a ba ɡɛ naa, danseɛ tena la tɔ sie kpɔ bwea foɡro mɔɔ nomɛlbwa teŋɛ. Gɛ ŋwɛnɛ nɔ taa hɛɛ ba wona laa ɡɛ wechɔɡa nɔ kpɔ he bini.

Lewi Dea Tena 21:9

Dɛ sɔfo bihaah dɛ bɔ jwamane dɛ kah doŋa aa, dɛ o mɛɛ wɛɛ do sihiih la. A chɛ kɛ bá fuuh.

Mmarare 22:24

hé kpɔ ba nɛra banɛ la bwa kaa bwɛɛ la doonyoa dɛ́ ka foɡ ba bwea kpo. Haah la kpoe munii kɛŋɔ, o ta lɔŋɔre doe soŋe lɛɛ, bwɛɛ bini ɡee. Baa la kwaa munii kɛŋɔ, o chɔɡ o dɔŋ haah. Gɛɛ dɛ́ le ɡɛ wechɔɡa la ne Israel harɛ ta.

Mmarare 22:22

Dɛ he na baa dɛ o lawɛ o dɔŋ haah chɔ aa, hé kpo baa la ne haah la bwa, dɛ́ le ɡɛ wechɔɡa la ne Israel harɛ ta.

Mmarare 17:5

Hé lawɛ ɡɛ nɛn la le bwɛɛ la dahara, dɛ́ ka foɡro bwea kpo.

Mmarare 13:10

Hé foɡro bwea kpo, dɛkalkɛŋɔ o fe tɛɡre heyaa dɛɛ le Korowii haa dɛ tomɔ o le he ne Ijipt harɛ ta he fa aa di somanjiri bela la nɔn ta.

Lewi Dea Tena 24:23

Mosis aa bol anɔ baɡle Israel tena la, ba kpɔ baa la le kaa bela baa soɡa la dahara, dɛ ka foɡro bwea kpo. Gɛɛ a do Israel tena la ɛ ɡɛ Korowii aa do Mosis la.

Lewi Dea Tena 24:16

A chɛ kɛ bá kpo nomɛlbwa waa bol men Korowii nɛnhɛlwobol la. Israel tee kɛɛ nɛŋhɔɔhree yoo, a chɛ kɛŋɔ nɛra la bwa foɡre naate bwea kpo.

1 Kɔrent 5:13

Nɛra baa ɛ asɔre tena la te, heyaa chɛ kɛŋɔ hé bol ba waa dɛ́ pa bole. Korowii Tɔn baɡlɔ kɛŋɔ “Hé doŋi wechɔɡ-ɛɛ le he bini.”

Lewi Dea Tena 19:29

He bɛ he bihaahna chɔɡ baa bɔ jwamane. He dɛ ɛɛ ba ɡɛ naa, aa bu harɛ la bwaa, dɛ́ ɡel chɔɡre warɛ o ta.

Sitɔɔla 19:23

Dem te la le buse dɛ ka ŋɔ ba be ŋɔ, “Akai! Ya bala, he bɛ wedoŋa nɔ ɛ. N hɔɔhree, hɛɛ berɛ a ɡɛ sihihwaa nɔ ɛɛ.

Sitɔɔla 20:5

Jwaana la ne Gebea baala koh n wa dɛ bar dem la cheme dɛɛ nyin mɛ dɛ kpo. Ba ɡuɡri n sɛno la ba ne o chɔ, asɛ o sewɛ.

Mumpar 38:24

Dɛ ɛ korobie atoro habɔɔ nomɛl ba ŋɔ Juda be ŋɔ, “He helahaah kaa bɔ jwamane dɛ kpoŋe tea.” Belaa o ŋɔ, “He lawɔ le dɛ́ ka fuuh!”

Lewi Dea Tena 20:2

ó bol Israel tena be ŋɔ, “He bini bɛlbwa kɛɛ hɔɔh bɛlbwa waa soɡe he bini, dɛ lawɛ o bie bɛlbwa ɛ saraha ba kpo tɛ voɡ Molɛk la chɛ kɛ bwɛɛ la ta tena foɡro bwea kpo.

Mmarare 13:6

He bini bɛlbwa dɔɔ kɛɛ o nime pɔrɔdɔ, kɛɛ o bibaa kɛɛ bihaah, hale o haah kwara kɛɛ o dansom lɔɡɔ ŋɔ, ó berɛ ka tomɛ voɡa he ne he naawa aa wola an tomɛ bwa,