Mmarare 22:1 - mzwDBL

¹ Mosis berɔ ŋɔ, “Dɛ he na he dɔŋ nao kɛɛ pee o nyoɡre dɛɛ kaa laa, bɛ sie laa kpɔ, lawɔ ka tɛo.

Mmarare 22:1 Referans Kwoze

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Sɛɡla 24:11

Lɛ nɛra baa dɛ́ ba bá kpoora ba tepoŋ ne, bɛ che nyiŋ ba ba serewe.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.

Matiu 15:24

Anee Yeesu chaŋe ŋɔ, “Nɛra baa do kɛŋɔ peera aa nyoɡra dɛ le Israel tena bini la ɡbo waa ba tom mɛ ŋɔ ń ba ɡaaɡe ba bɔr.”

Matiu 10:6

Hé kaa Israel tena baa do kɛŋɔ peera aa nyoɡra la be,

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Aesaya 8:17

Mɛɛ kpa Korowii waa waa bola la waa. O laa sie kpɔ Jekɔb naanar nɛɛ taraken, kɛ mɛɛ kpɔ n hwɛɡaa do Korowii nɛ.

Sɛɡla 28:27

Nɛn waa dɛ cha nyaara la, komɛlbwa aa on nya, kɛ nɛn waa laa sie dɛɛ kpɔ ba nɛɛ la, dɛ́ dɔ nyotaahna taeh!

Lewi Dea Tena 20:4

Dɛ bwɛɛla ɡe na naate dɛ laa sie kpɔ ba ta on kpoe yaa,

1 Kɔrent 9:9

Mosis chwerɔ ŋɔ, “He bɛ nabal waa dɛ ɛ toma he koo ta la nyoa vɔwɛ dɛ́ ŋɔ o bɛ kwaa di.” Korowii ŋɔ ken aa, kondɛɛra ɡboo o ŋɔ aa?

Lewi Dea Tena 6:3

Kɛɛ dɛ komɛl ɡe nyoɡrɔ o kpaah o ta kasinteŋ dii, kɛɛ dɛ ŋwɛɛ pɛɛpɛɛ waane ta, kɛɛ dɛ wechɔɡa aa do kɛŋɔ anɔ bini bɛlbwaa yoo,

Mmarare 22:2

Dɛ he ne kon te la jaŋne kɛɛ dɛ haa kon te jemaa, lawɔ kaa he dem. Ásɛ dɛ kon te ba dɛ bɔɔ o wa aa, hé kpɔ tɛo.

Sɛɡla 27:10

Bɛ he chamenate kɛɛ he mɛɛ chamenate chwa. He dam waa bɛne la ɡwaa lole waa lɔ bojaŋ, anomanta, dɛ waane pui naa, haa won la he lole be ŋɔ ó chae.

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.