Mmarare 21:23 - mzwDBL

²³ he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Mmarare 21:23 Referans Kwoze

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Amanesoma Jɔn Aa Chwera Tɔn 19:31

Dɛ awola tɔpere la ɛ tɔpere Juu tena aa dɛ kpɔ ba te, dɛkalkɛ tɔɔ peraa dɛ ba jo Ona Tɔpere waa ɛ ba tɔpejen tenten la ta. Dɛ baa nyin kɛŋɔ Yeesu ne nɛra la saɡɛ ka tel tɔpejen la ta. Anomanta, ba kaa soŋe Paelet ŋɔ ó ɡel soojare kuuɡi ba nakpale bá sewɛ warane, ásɛ ba dɔ bɔr laa ba kpɔ daɡaɡre la ta.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Lewi Dea Tena 18:25

Ba we-ɛɛla chɔɡ harɛ la ɡba o doŋ dɛ ba deŋnetɛra ne o ta asɛ o lee ba tɛ.

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

Nɛra Kura 25:4

Korowii ŋɔ Mosis be ŋɔ, “Kpoo ɡɛ Israel nomonome la webaŋa n siwi ta tɛ mɛ, ásɛ n baah bɛ ba nɛɛ di kohona kpa.”

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

Josua 7:12

Anɔ waa Israel tena aa wola won che ba dɔma sie la. A chɛ kɛ bá sewɛ ba wechɔɡa la wa. Maa he nɛɛ ja kpa, nemenɛ he chɔɡ kwaa maa ŋɔa he le cheɡ tɛ mɛ, a do he be la bwa.

2 Samoɛl 21:6

Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

Mmarare 7:26

Hɛɛ berɛ ɡɛ voɡare la bɛlbwa ne he deremi bala, ɡɛ laa aa, he ne a bwa ɛɛ cheo tɛ kɛŋɔ Korowii chɔɡ heya. A ɛ kondoŋa he kia, dɛkalkɛŋɔ Korowii lea cheɡ kɛŋɔ wɛɛ chɔɡaa.”

2 Samoɛl 21:10

Aeya bihaah Rispa, waa ɛ Kooro Sɔɔl sɛno, kpɔ lweyal paɡri tɔ bwe bɛl ta, dɛ so o lɔɡa dɛɛ daah nɛra baa serewa la. Le jaaɡe koma mumpar ka tel kɛŋɔ bwaala aa nɛa la, o ta ɡelɛ jumbii dɔ ba ola di webaŋa, kɛɛ kpɔɡ bini olchɔɡa ba dia jwaana.

Ɛsekeɛl 39:12

Korobie anuanɛ dɛ Israel tena ta dɛ huɡ ba ɡɛ, dɛ́ won laa doŋa kpɔ harɛ la ta.

Mmarare 4:21

He waa ɡela Korowii baah di n nɛɛ o ŋwɛɛ ŋɔ, maa Jɔɔdan Moo la baŋ waa wera o kpɔ dɛɛ tɛ heyaa la taa la la.

Mmarare 25:19

Dɛ Korowii baa kpɔ harɛ la tɛ heyaa dɛ kpɔ nɔn tɔ he nɛɛ he dɔma baa bar heyaa cheme nɔ be pera aa, hé nyiŋi kɛrɛdɛ dɛ́ kpoo Amalɛk tena la bwa, dɛ́ he ba ásɛ ba waa tonɛ. He bɛ ɡɛ waa nɔ soh!”

2 Koranar 10:8

Torome la aa bala la, o ŋɔ Kooro Jehu be kɛŋɔ, nɛra bane kpɔ kooro naanar nyuune la ba Jesreel. Asɛ Kooro Jehu ŋɔ ba be ŋɔ, bá pa darawe dɔŋa nɛɛ bɔre anɛ bwɛjen la doonyojen bela, á chɔ ka tel kere chɔɔ.