Mmarare 21:22 - mzwDBL

²² Anee Mosis berɛ ŋɔ, “Dɛ nomɛl ɛ wechɔɡa a chɛ kɛŋɔ bá kpoo, asɛ ba kpoo dɛ kpɔɔ ka saɡɛ daa ta naa,

Mmarare 21:22 Referans Kwoze

We-ɛɛla 26:31

asɛ baa le bela la, baa ŋɔ dɔŋa be ŋɔ, “Baa nɔ wobɛlbwa ta baɡlɛ kɛ o chɛ kpoe, kɛɛ ba doo dea.”

We-ɛɛla 23:29

Belaa n na kɛŋɔ ba kii waa ba lawɔ. Waa baa kpɔa dawɔ la ta chɛ kɛŋɔ bá kpoo. A ta chɛ kɛ bá doo dea ɡba.

Amanesoma Luk Aa Chwera Tɔn 23:33

Ba kaa tel bobɛl baa dɛ yerɛ bela Nyuhoɡ Bɔr. Belaa ba kpaa Yeesu pɛl daɡaɡre ta, dɛ kpaa wechɔɡ-ɛɛra la ɡe pɛl daɡaɡra ta, dɛ kpɔ bɛl pa Yeesu diɡ ta, bɛl ɡe pa o ɡal.

Matiu 26:66

Ɛrɛɛ he na waa nɔɔ, bwɛɛla?” Ba bwa den pɛ nyoa ŋɔ, “O chɛ kpoe.”

Mmarare 22:26

Hɛ́ɛ berɛ haah la te wobɛlbwa ɛɛ, dɛkalkɛŋɔ o ta wobɛlbwa aa chɛ seo ɛɛ. A do kɛŋɔ nomɛl aa cheɡɛ o dɔŋ nɛɛ dɛ kpoo ken.

We-ɛɛla 25:11

Dɛ n fe jo ya kii bɛl nɛɛ asɛ a ɛ kɛ a chɛ kɛ bá kpo mɛ naa, n fe aa won ŋɔ mɛɛ chwa sewee. Kɛ dɛ ba waa baa kpɔa dɛ daɡ mɛ nɔ ta kasinteŋ ɛɛ te naa, nomɛlbwa aa won kpɔ mɛ do ba nɔn ta. N dɛ nyin kɛ he la n ne Rom Koojen Siisa sie, ásɛ o ka bol n waa nɔ dɛ́ pa bole.”

Amanesoma Mak Aa Chwera Tɔn 14:64

He ta nɛnhɛlwobol waa dɛ bol Korowii noɛ yaa? Ɛrɛɛ he na nɔ?” Ate, dɛ ba bwa ŋɔ, “O ɛ wechɔɡa. Hé kpoo!”

2 Samoɛl 21:9

Kooro Devid kpɔ ba do Gebeɔn tena nɔn ta ba kpoo ba, dɛ kpɔ ba saɡɛ deŋɡare bɛl ta Korowii sie. Nɛra banuanɛ la bwa sewɔ tɔpebeŋkpoŋ. Awola laanee baa pa mea koma mun, asɛ dɛ kpoo ba.

2 Samoɛl 21:6

Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

2 Samoɛl 4:12

Anomanta, Kooro Devid tɛ o laa tena ŋwɛnɛ asɛ ba ka kpoo Rekab ne Baana. Ba teŋni ba nɔɔra ne napaala, dɛ kpɔ ba saɡɛ tam bɛl waa lɔ Hɛbrɔn nyoa. Kɛ Esbɔsɛt te, ba kpɔ o nyu kaa ka huɡe Abna ŋwam ta Hɛbrɔn.

1 Samoɛl 26:16

He ta he toma ɛɛ, Abna. N ŋwɛɛ Korowii waa lole saŋ bɛlbwa kɛŋɔ, a chɛ kɛ he bwa sewɛ, dɛkalkɛŋɔ he ta he dɔɔ Korowii aa cheɡo kora ta daahnɛ. Leperaa kooro lampea ne loŋ waa dɛ do nee o bini a che o nyu bɔr la dɔɔ?”

Josua 10:26

Ate, Josua kpoo koranar la, dɛ kpɔ ba saɡre daa anue ta, ba saɡre ɡɛ naa, dɛ ka tel jɔmɔra.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

Mmarare 19:6

Dɛ he le bwɛjen beŋkpoŋ ɡbo aa, a baah la ɛɛ do jaŋnee, ásɛ nɛn waa sewa la nɛra won ti naate waa wola saahnɛ kpo o dɔŋ la, dɛ́ kpɔ bandia ka kpoo, kɛ dɛ o ta chɛ kɛ bá kpoo.

We-ɛɛla 25:25

Kɛ n ta wone na waa waa ɛa a ɛ kɛŋɔ o do kpoe. Anomanta, o ɡbaɡba aa baa ŋɔ yá tɛ ŋwɛnɛ ásɛ Rom Koojen Siisa ɡbaɡba ka bol o waa la dɛ́ pa bole la, n ɛ n liire kɛŋɔ mɛɛ ɡeloo ó la o be.

Nɛra Kura 25:4

Korowii ŋɔ Mosis be ŋɔ, “Kpoo ɡɛ Israel nomonome la webaŋa n siwi ta tɛ mɛ, ásɛ n baah bɛ ba nɛɛ di kohona kpa.”

Josua 10:27

Wee aa dɛ ba joe la, o ɡelɔ ba ka laa ba kpɔ le daa baa saɡre a ta la ta, dɛ paa ba ka ta bwebɔɔ ba fa aa chwaa ka sɔh o bini la bini. Bwea baa ɡbila tɔ bwebɔɔ la nyoa kan kɛrɛdɛ dɛ ta tɔ o nyoa ba le fini.

Mumpar 40:19

Tɔpetooro wee la, kooro ɛɛ teŋe he nyuu, dɛ́ kpɔe ka saɡɛ daa ta, ásɛ jumbii ba di he ola.”

2 Samoɛl 21:10

Aeya bihaah Rispa, waa ɛ Kooro Sɔɔl sɛno, kpɔ lweyal paɡri tɔ bwe bɛl ta, dɛ so o lɔɡa dɛɛ daah nɛra baa serewa la. Le jaaɡe koma mumpar ka tel kɛŋɔ bwaala aa nɛa la, o ta ɡelɛ jumbii dɔ ba ola di webaŋa, kɛɛ kpɔɡ bini olchɔɡa ba dia jwaana.