Mmarare 2:7 - mzwDBL

⁷ Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 2:7 Referans Kwoze

Amanesoma Luk Aa Chwera Tɔn 22:35

Asɛ Yeesu bɔɔ o habɔteŋra la ŋɔ, “N fa aa tomɛ heyaa ŋɔ hé ka bol Amanesoma la, dɛ ŋɔ he bɛ suuɡa kpɔ, he bɛ pure ne naŋɡawa kpɔ la, komɛl nya heya aa?” Asɛ ba ŋɔ, “Komɛlbwa sese ta yaa nyae.”

Nehemia 9:21

He nyiŋi ba nɛɛ bene fifraanaarɛ pua hɛŋle ɡbo harɛ ta, dɛ tɛɛ ba komɛlbwa baa dɛ nyin. Ba bwara laala ta kɛɛrɛ, ba napaala ta ɔɡrɛ.

Mmarare 29:5

Korowii tɔ he sie bene fifraanaarɛ pua hɛŋle ɡbo harɛ la ta he laala haa doa ta kɛɛrɛ, ɡɛɛ he naŋɡaware ɡe aa wola chɔɡɛ.

Yela 31:7

N sie ɛɛ lɛo dɛ́ hɛɡre, nyina haa dɛ nyin mɛ la wa, dɛkalkɛ he na n wahala, dɛ jemɛ n weweele.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Yela 90:17

N Naa Korowii yaa dɛ tomɛ, swee yaa andɛɛɡa. Gel ya wobɛlbwa do wer tɛ yaa kɛrɛdɛ!

Mumpar 26:12

A bena la, Aesek parɔ dɛ dɔ kondikwaa kohona. Kwaa waa para la bele lafaa o dɔ dɛkalkɛ Korowii tɛo hɛɛra.

Mumpar 24:35

Korowii ɛ n dɔɔ andɛɛɡa kohona dɛ tɛo kondɔɔh. O tɛo peera ne nae ne suuɡapoŋa dɛ suuɡaswɛm, dɛ tɛo yombaala ne yomhaahna ne nyoɡmare dɛ keeɡore.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 39:5

Dɛ le a ɡɛ saŋ nomoa la aa kpɔ o dem do o nɔn ta la, Korowii swee andɛɛɡa tɛ nomoa la ne o dem komɛlbwa dɛ o koo kwa.

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Mumpar 30:27

Anee Laban ŋɔ o be ŋɔ, “Dɛ hɛɛ sɛoh waa, ɡel n ne he so. N nao kɛŋɔ he nomanta, Korowii swee andɛɛɡa tɛ mɛ.

Nɛra Kura 14:33

Asɛ he bii ɛ peteɡra dɛɛ ɡaaɡe pua hɛŋle ɡbo harɛ nɔ ta bonɔ bene fifraanaarɛ dɛɛ koh, á ɛ yarada haa wola dɔe la kembɔr, dɛ́ ka tel kɛŋɔ he bwa aa baa serewe kwaraa.

Nɛra Kura 14:34

Bene fifraanaarɛɛ hɛɛ ba he deŋnetɛra kembɔr dɔe, benanyoa bɛlbwa cheɡɔ tɛ tɔpera fifraanaarɛ la tɔpebeŋkpoŋ haa kpɔa ka sɔh nyiŋi harɛ la. Ásɛ he na kɛŋɔ men Korowii, dɛ n ŋɔ mɛɛ tɛr he deŋne yaa, dɛ a ɛ sibeɡra.’

Nɛra Kura 32:13

Korowii baah di Israel tena la nɛ, asɛ dɛ ɡel ba ɡaaɡe pua hɛŋle ɡbo harɛ la ta bene fifraanaarɛ, ka tel kɛŋɔ a ɡɛ nɛra la ka pa bwa baa ɛ wechɔɡa la aa baa he.

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 1:46

Anomanta, he berɔ ba so Kades he tɔpera haa dia la bwa.”

Mmarare 2:6

Hé yawɛ kondikwa ba be dɛɛ di, dɛ́ yawɛ nee ɡe dɛɛ nyɔ.’

Mmarare 2:14

Le ɡɛ saŋ yaa le Kades Baanea dɛ ba le Sɛrɛd Fɛlembɔjen la lɔ bene fifraatoro dɛ anuatoro. Dɛ laa tena la bwa serewɔ. Gɛɛ Korowii ŋwɛɛ baɡ ba.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Yela 107:4

Bane nyoɡre pua hɛŋle ɡbo harɛ ta bela, ba ta bwɛɛ bɛlbwa nae dɛ́ ka so o ta.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Hosia 13:5

N nyiŋi he nɛɛ pua hɛŋle ɡbo harɛ ta, harɛ o ta aa do wɔrɔbe kohona.

Emɔs 2:10

Menee lawɛ heyaa le Ijipt harɛ ta, dɛ kpɔ heyaa kpɔ pua hɛŋle ɡbo harɛ ta bene fifraanaarɛ, dɛ ba kpɔ Amɔre tena harɛ tɛ heya.

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

Kaala 16:35

Bene fifraanaarɛɛ Israel tena di maana mɔɔ dɛ tel Keenan harɛ jwɛh ta.

Nɛra Kura 1:1

Israel tena aa le Ijipt harɛ ta la, ba soɡe Sinai Bwejen pua hɛŋle ɡbo harɛ ta. Ba soɡa bini bennɛɛte korobie waa teŋa nɛɛ o tɔpere waa tɔ sie ta la, Korowii bol waa Mosis be o Dea Cheremibɔr bela dɛ ŋɔ,

Nɛra Kura 22:12

Korowii ŋɔ Balam be ŋɔ, “Bɛ ban pu kaa, bɛ nɛra la ɡe toma tomɛ. Israel tena ɛ nɛra maa swee andɛɛɡa tɛɛ ba.”

Mmarare 29:4

Kɛ kpoŋe ba le fini Korowii saa he liire, dɛ tɛ heyaa sibie aa wola kasinteŋ laanee na, ne deŋna aa wola kasinteŋ laanee no.