Mmarare 2:5 - mzwDBL

⁵ He bɛ yoi kpɔ puu ba, maa ɡel he dɔ ba harɛ la naɡale del ɡba. N dɔɔ kpɔ bela tɛ Esɔ naanar.

Mmarare 2:5 Referans Kwoze

Josua 24:4

asɛ Aesek lolɛ Jekɔb ne Esɔ. N kpɔ Edom deŋɡarere harɛ tɛ Esɔ, asɛ Jekɔb te ne o bibaala kaa Ijipt harɛ ta.

Mumpar 36:8

Asɛ Esɔ ka so Edom harɛ ta deŋɡarere ta.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

We-ɛɛla 7:5

A ɡɛ saŋ la, Korowii ta harɛ la pera teŋe tɛ Abraham kɛŋɔ ó ɛ o ɡe kon nɔ. O ta naɡale beŋkpoŋ del kwara teŋe tɛo. Kɛ Korowii baɡɔ nyoa ŋɔ wɛɛ kpɔɔ tɛo, ásɛ harɛ la ɛ o ne o naanar kon. A ɡɛ saŋ la Korowii aa baɡɛ Abraham nyoa nɔ la, dɛ o ta bii dɔe mɔɔ.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

Mmarare 32:8

Nemenɛ Korowiirii tɛ harɛre nɛra ba harɛre. Onee nyiŋa dɛ jemɛ bela Israel tena aa so, dɛ tɛ harɛ bɛlbwa nyundua torome wɛɛ daah ba.

Mmarare 2:6

Hé yawɛ kondikwa ba be dɛɛ di, dɛ́ yawɛ nee ɡe dɛɛ nyɔ.’

Mmarare 2:22

Korowii ɛ ɡɛ tenten tɛ Esɔ naanar baa soɡe Sɛɛ ɡe. O kpoo Hɔr tena ba siwi ta, dɛ ɡel ba so ba buɡ ta ba le fini.

Mumpar 36:9

Kenii Esɔ waa ɛ Edom tena naa la bii ne o naanar teŋɛ dɔŋa nɛ.

Ɛsekeɛl 35:2

“Nɛwɛnyini bie, eɡle sie ta Edom harɛ ta tena nɛ, dɛ́ bol waa aa dɛ ba ba nɛɛ bala.