Mmarare 2:37 - mzwDBL

³⁷ Ya ta Amɔn tena harɛ ta bɛnɛ, Jabɔk Moo nyoa bwɛɛre ne bwɛɛre aa lɔ deŋɡarere dor ɡe, ya ta a bɛlbwa bɛnɛ. Korowii yaa dɛ tomɔ la kah yaa a wa.”

Mmarare 2:37 Referans Kwoze

Mmarare 3:16

Rubin ne Gad deene tena ɡe la, le Gelead harɛ ta kaa Aanɔn Fɛlembɔjen taa n kpɔ tɛɛ ba. Aanɔn Fɛlembɔjen weekaŋle harɛbɔr baah taa ɛ ba jwɛh. Jabɔk Moo ɡe ɛ ba weekaŋle nyunduabɔr jwɛh tɛ ba ne Amɔn tena.

Nɛra Kura 21:24

Israel tena kpo Kooro Sihon kere ne, dɛ lɛ o harɛ la dɔɔh. Le Aanɔn Moo ta dɛ kaa Jabɔk Moo ta, dɛ kpoŋe kaa Amɔn tena jwɛh ta. Dɛ Amɔn tena cheɡɛ ba jwɛh ta dɛ do kpeɡri.

Mumpar 32:22

Awola jwaana ne la, o iro dɛ kpɔ o haahna banɛ Bilha ne Silpa, dɛ o toli banɛ ne o bii fi dɛ beŋkpoŋ la dɛ kpɔ ba le Jabɔk Moo leebɔɔ.

Mmarare 2:19

kɛ dɛ he tel Amɔn tena harɛ ta naa, he bɛ ba baah muɡli dɛ́ ba puu ba yo, dɛkalkɛŋɔ maa ɡel he dɔ ba harɛ la pera ó ɛ he kon bwa. N kpɔɔ tɛ Lɔt naanar kɛ ó ɛ ba harɛ.’

Josua 12:2

Kooro la bɛl sɔne Sihon, Amɔre tena kooroo wɛɛ di kora bwɛjen Hɛsbɔn. O harɛ nyoa le bwɛjen Arowa, o lɔ Aanɔn Fɛlembɔjen nyoa, dɛ le fɛlembɔjen la baah ta dɛ kaa Jabɔk Moo waa ɛ Amɔn tena harɛ jwɛh ta. Gelead harɛ pera ɡe ja o ta.

Sitɔɔla 11:15

“Israel tena ta Moab kɛɛ Amɔn harɛre lɛɛ.

Mmarare 2:9

Bela ɡe la, Korowii ŋɔ n be ŋɔ, ‘He bɛ Moab tena baa ɛ Lɔt naanar nɔ baah muɡli he ba yo. N kpɔ bwɛjen Ar tɛɛ ba ŋɔ ó ɛ ba kon baa di o kpeɡri. Anomanta, maa heyaa ba harɛ nɔ peraa tɛ hé di o kpeɡri.’ ”

Mmarare 2:5

He bɛ yoi kpɔ puu ba, maa ɡel he dɔ ba harɛ la naɡale del ɡba. N dɔɔ kpɔ bela tɛ Esɔ naanar.

Sitɔɔla 11:22

Ba lɛ harɛ la bwa dɛ kpoŋe ka le Aanɔn Moo dɛ kaa Jabɔk Moo ta, dɛ berɛ lɛ le pua hɛŋle ɡbo harɛ la ta, dɛ kaa Jɔɔdan Moo ta.