Mmarare 2:30 - mzwDBL

³⁰ Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Mmarare 2:30 Referans Kwoze

Nɛra Kura 21:23

Kooro Sihon ta Israel tena ŋwɛnɛ tɛɛ ba kpɔ o harɛ ta. Kɛ dɛ yerɛ o laa tena bwa ba ka pu Israel tena pua hɛŋle ɡbo harɛ ta, dɛ́ yoo ba. O kaa puu ba Jahas, asɛ o ne ba yo.

Kaala 4:21

Belaa Korowii berɛ ŋɔ o be ŋɔ, “Haa bera dɛɛ kaa Ijipt harɛ ta nɔ, na kɛŋɔ kpeɡri maa tɛɛ he kpɔ dɛɛ ɛ nyokpowaa la, hɛɛ ɛa Ijipt kooro siwi taa. Kɛ mɛɛ ɡeloo o deŋne do kpeɡri, waa wola ɡel n nɛra la kaa.

Kaala 11:10

Mosis ne Arɔn ɛ nyokpowe-ɛɛla nɔ bwa kooro sie. Korowii ɡelɔ o deŋne ta do kpeɡri o ta ɡelɛ Israel tena la le o harɛ ta kaa.

Aesaya 48:4

Dɛ n jemɔ kɛŋɔ he deŋne kpeɡri kɛŋɔ buni, he lwɛɛma do kpeɡri kɛŋɔ bwe.

Sitɔɔla 11:20

Kɛ ane a bwa, Kooro Sihon ta Israel tena la yaradae kɛ bá kpɔ o harɛ la ta. O cheme o laa tena bwa ba baŋre ba tɛnte deene dɛ so Jahas, asɛ o ne Israel tena yo.

Mmarare 2:31

Korowii ŋɔ n be ŋɔ, ‘N kpɔ Kooro Sihon ne o harɛ nɛra bwa do he nɔn ta. Hé pu sie yoo ba dɛ́ lɛ harɛ la.’

1 Koranar 12:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la ɛ kpela.

Wiile 3:65

Bɛ ɡel ba dɔ hwɛɡa bɛlbwa, ásɛ he nyotaahna do ba nɛ.

Kaala 7:14

Belaa Korowii ŋɔ Mosis be ŋɔ, “Ijipt Kooro deŋne kpeɡri o vɛh nɛra la ŋwɛnɛ tae ba kaa kenɛ?

Nɛra Kura 21:33

Ba berɛ kpɔ sie chaɡɛ ŋwɛnɛ waa kaa Basan harɛ ta, asɛ Basan Kooro Ɔɡ kpɔ o laa tena bwa, dɛ ka cheme Israel tena Edrei dɛ yoo ba.

Nɛra Kura 21:34

Anee Korowii ŋɔ Mosis be ŋɔ, “Bɛ Kooro Ɔɡ ɔmɛ, n kpɔ o ne o laa tena ne harɛ la bwa do he nɔn ta. Ɛo ɡɛ haa ɛ Amɔre Kooro Sihon waa di kora Hɛsbɔn la.”

2 Webena 10:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ́ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la, ɛ kpela.