Mmarare 2:24 - mzwDBL

²⁴ Yaa kpɔ Moab harɛ ta ba kaa habɔɔ la, Korowii berɔ ŋɔ, ‘Hé ir, dɛ́ kpɔ he te dɛ́ ka le Aanɔn Moo la. Hé no! N kpɔ Sihon waa ɛ Amɔre kooro dɛ so Hɛsbɔn ne o harɛ do he nɔn ta. Hé ka pa mun dɛ́ lɛ harɛ la dɔɔh ásɛ dɛ yoo laa.

Mmarare 2:24 Referans Kwoze

Daneɛl 4:17

Nyundua torome la ne o bala baa ja o nɛɛ dɛ do ɡoroŋ la bee ɡɛ deŋnetɛra waa nɔ le. Anee dɛ́ ɡel nomɛlbwa waa soɡe le jemɛ kɛŋɔ, Nemenɛ Korowiirii dɛɛ di harɛre kora bwa kpeɡri, dɛ kpɔ dɛɛ tɛ nɛn waa dɛ nyin, hale dɛ kpɔ tɛ nɛra baa do pwɛre dɛɛ so kora ta.”

Daneɛl 2:38

He nɔn taa o kpɔ nɛra, ne kpɔɡ bini ola, dɛ jumbii aa dɛ ɡah do. Henee dɛɛ nyiŋi a nɛ, bobɛlbwa aa lole. Henee kon la nyu baa kpɔ suuɡaswɛm tenten ɛo la.

Ɛsekeɛl 29:20

N kpɔ Ijipt harɛ bɔ Babelɔn kooro ne o laa tena kem, waa baa kaa ɛ tɛ mɛ la wa. Men Nemenɛ Korowiirii bola.

Jeremia 27:5

“N kpeɡri waa kana kohona nee n ta harɛ nɔ bwa ne nɛwɛnyini dɛ ola aa lɔ o ta bwa, dɛ kpɔa do nomɛlbwa maa leo nɔn ta.

2 Webena 36:23

“Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta. Taraken, hé nɛra haa dɛ tomɛ Korowii bwa ir kaa bela, Kórowii haa dɛ tomɔ ja he nɛ.’ ”

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Mmarare 2:36

Korowii yaa dɛ tomɔ laa nɔn kpɔ ba nɛɛ tɛ yaa, le bwɛɛ Arowa waa chɔ Aanɔn Fɛlembɔjen la doa, dɛ berɛ kpɔ bwɛɛ bɛl waa chɔ o bini, hale dɛ kaa bwɛɛ Gelead, bɛlbwa ta wone dɔ kpeɡri kɛ yan.

Ɛsra 1:2

O ŋɔ, “Waa men Pɛɛsea Koojen aa dɛ bol laanee kɛŋɔ, ‘Korowii Waa Dɛ Di Kora Nyundua laanee cheɡ mɛ kora harɛre nɛra bwa nɛ, dɛ berɛ lee mɛ ŋɔ ń ma o Dea tɛo Jerusalam waa lɔ Juda harɛ ta.

Nɛra Kura 21:12

Ba berɔ le lye Abarim ɡe, dɛ ka so Sɛrɛd Fɛlembɔjen ta.