Mmarare 2:14 - mzwDBL

¹⁴ Le ɡɛ saŋ yaa le Kades Baanea dɛ ba le Sɛrɛd Fɛlembɔjen la lɔ bene fifraatoro dɛ anuatoro. Dɛ laa tena la bwa serewɔ. Gɛɛ Korowii ŋwɛɛ baɡ ba.

Mmarare 2:14 Referans Kwoze

Ɛsekeɛl 20:15

N berɔ ir nɔn pua hɛŋle ɡbo harɛ ta bela, dɛ ŋwɛɛ baɡ ba kɛŋɔ, maa ban kpɔ ba harɛ maa kpɔa tɛɛ ba la ta, harɛpare ondɛɛɡe dɛ ɡwaa harɛ bɛlbwa,

Yela 95:11

N baah aa dia la, n ŋwɛɛrɔ ŋɔ, ‘Baa ona maa tɛɛ ba ŋɔ bá ba onɛ ɡɛ maa dɛ onɛ la dɔe ba bwa.’ ”

Yela 106:26

Anomanta, he ŋwɛɛrɔ baɡ ba ŋɔ, hɛɛ ɡeloo bá serewe pua hɛŋle ɡbo harɛ ta,

Mmarare 1:19

Asɛ ya ir le Sinai Bwejen ta, ɡɛ Korowii aa ŋɔ ya be la, dɛ kpɔ pua hɛŋle ɡbo harɛ waa do kan kohona dɛ do ɔma la ta, dɛ kpɔ sie chaɡɛ Amɔre tena deŋɡarere harɛ he fa aa naa la ta dɛ ka tel Kades Baanea.

Mmarare 1:2

Le Sinai Bwejen ta dɛ́ fɛrɛ Sɛɛ Bwejen la dɛ́ kaa Kades Baanea ɛɛ ɛ tɔpera fi dɛ beŋkpoŋ ŋwɛnɛɛ.

Nɛra Kura 13:26

Toroma la berɔ ba Mosis ne Arɔn dɛ Israel tena la bwa be Kades waa lɔ Paran pua hɛŋle ɡbo harɛ la ta. Dɛ ba bol waa baa kaa na la Israel tena la bwa be, dɛ kpɔ harɛ la ta daa nɔna la baɡ ba.

Tɔn Jud Aa Chwera 1:5

N jemɔ kɛŋɔ he jemɔ, kɛ n dɛ nyin kɛ n lii heyaa ɡɛ Korowii fa aa lɛ Israel tena le Ijipt tena nɔn ta, asɛ a habɔɔ bane aa wola o waa yaradae, o kpoo ba la.

1 Kɔrent 10:5

Kɛ Korowii sie ta ba ɡalɡa nɛɛ lɛɛ, asɛ ba serewe perɛ kpɔɡ la baah bobɛla.

Yela 90:9

He bandia ɡelɔ ya tɔpera do bori, a dɛ kaa warawara kɛŋɔ hweera ken.

Yela 90:3

He won ɡela ya sewɛ, dɛ́ berɛ kaa teera haa kpɔa ma yaa la ta.

Mmarare 1:46

Anomanta, he berɔ ba so Kades he tɔpera haa dia la bwa.”

Nɛra Kura 32:11

‘Baala baa le Ijipt harɛ ta ba, dɛ dɔ bene fifraanɛ ne a habɔɔ la aa harɛ maa ŋwɛɛra, dɛ baɡɛ nyoa ŋɔ n kpɔɔ tɛ Abraham ne Aesek dɛ Jekɔb naanar laanee na, ba ta n nɛɛ teŋɛ bambile bwa ne.

Mmarare 2:7

Korowii swee heyaa andɛɛɡa toma haa ɛa bwa ta. Onee nyiŋi he nɛɛ he vala ta pua hɛŋle ɡbo harɛ waa do kan kohona ta la. Korowii ja he nɛɛ bene fifraanaarɛ nɔ bwa ta, o ta ɡelɛ komɛlbwa paŋɛ heya.

Mmarare 2:13

“Asɛ Korowii berɛ ŋɔ, ‘Hé ir kaa dɛ́ ka le Sɛrɛd Fɛlembɔjen la.’ Anee ya ka le ɡɛ fɛlembɔjen la dɛ kaa o baŋ.

Mmarare 2:16

Ba laa tena la bwa aa serewa tonɛ la,

Josua 5:4

Waa aa bala Josua ɛ ɡɛ waa nɔ laanee nɔ. Gɛ saŋ Israel tena aa ira le Ijipt harɛ ta dɛɛ ba la, ba bini baala baa tela ne laa yoi la kɛrɛdɛ bwa serewe ŋwɛnɛ ta pua hɛŋle ɡbo harɛ ta.

Josua 5:6

Israel tena aa le Ijipt harɛ ta la, ba ɡaaɡe pua hɛŋle ɡbo harɛ ta bene fifraanaarɛ, ka tel kɛ baala baa tela ne laa yoi bwa aa serewa. Ba ɛ deŋnekpeɡ ba ta Korowii waa la ta teŋɛ. Dɛ Korowii ŋwɛɛrɔ kɛŋɔ, nomɛlbwa waa wola o waa ta teŋɛ la aa harɛpare ondɛɛɡe o kpɔ baɡɛ ba naawa nyoa la taa tel.

Josua 24:7

Ba wio no men Korowii ŋɔ ń cha ba, asɛ n ɡel bɔr bir ba ne Ijipt tena la baah ta. Anee n ɡel mpo la nee su ba bɔle ba nɛ. He ɡbabir na ɡɛ maa ɛ Ijipt tena la. Asɛ he so pua hɛŋle ɡbo harɛ ta dɛ biɡri taeh.

Yela 90:15

Gel yá dɔ silɛɛ kohona taraken, ɡɛ tenten he fa aa ɡela ya di suna, saŋ bɛl waa baa kaa la.

Nɛra Kura 1:1

Israel tena aa le Ijipt harɛ ta la, ba soɡe Sinai Bwejen pua hɛŋle ɡbo harɛ ta. Ba soɡa bini bennɛɛte korobie waa teŋa nɛɛ o tɔpere waa tɔ sie ta la, Korowii bol waa Mosis be o Dea Cheremibɔr bela dɛ ŋɔ,