Mmarare 18:6 - mzwDBL

⁶ Lewi dea te bɛlbwa waa so Israel harɛ bwɛɛ bɛlbwa ta dɛ nyin aa, wɛɛ won ba bela Korowii aa lea cheɡ ŋɔ hɛɛ tomɔ bela la,

Mmarare 18:6 Referans Kwoze

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

1 Pita 5:2

hɛ́ɛ nyiŋi Korowii nɛra baa ɛ o peera waa kpɔ ba tɛ heyaa ŋɔ hɛ́ɛ nyiŋi ba nɛɛ la kɛrɛdɛ. He bɛ ɡel ba do heyaa mɔɔ hɛɛ nyiŋ ba kɛrɛdɛ, hé ɡel a ɛ he ɡbaɡba tetoowa. He bɛ suuɡa sibeɡra waa koh dɛɛ ɛ ɡɛ toma nɔ, hé nyiŋi nyina haa dɛ nyin kɛ toma la kaa kɛrɛdɛ la dɛɛ ɛa.

1 Timoti 3:1

A ɛ kasinteŋ kɛŋɔ dɛ nɛn ŋɔ wɛɛ tɔ asɔre tena siee yaa, dɛ tondɛɛɡa tentenee naate ɛɛ nyin la.

Yela 84:10

Nɛn soɡe he Dea tɔpebeŋkpoŋ ɡbo aa, a bɔ kɛ waa kaa di tɔpera kaɡboŋ bobɛl. N fe ɛɛ che Korowii maa dɛ tomɛ Dea doonyoa dɛɛ daah bela, dɛ́ ɡwaa kɛ maa kaa so nyubinikpeɡ tena deremi.

Yela 84:5

Nɛra baa dɛ hwɛɡɛ he nɛɛ la, ba na som. Banɔ la ba bambile aa lawa kɛ ba valɛ kaa Saayɔn Bwejen doa la.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Yela 26:8

N Naa Korowii, bela haa soɡa dɛ do n wer, bela he jirima aa lole la.

Mmarare 16:2

He bɛlbwa lawɛ o pee kɛɛ nao le o kondɛɛra bini, ásɛ dɛ kpɔ la bela Korowii aa lea tɛ heyaa ŋɔ hɛɛ tomɔ la, dɛ́ kpɔ ɛ Galekaa Tɔpejen saraha tɛ Korowii o sɔn ta.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 18:7

ásɛ dɛ ɛ sɔfo dɛɛ ɛ Korowii toma kɛŋɔ ɡɛ ba bala Lewi dea tena la aa dɛ ɛ bela la.

Nɛra Kura 35:5

Bwɛɛre la wee leebɔra, hé maɡɛ naɡale kaɡboŋa atoro, wee cholibɔr kaɡboŋa atoro, weekaŋle harɛbɔr kaɡboŋa atoro, ásɛ weekaŋle nyunduabɔr ɡe naɡale kaɡboŋa atoro, ásɛ bwɛɛ la do baah ta. Gɛ bɔra nɔɔ ba kondɛɛra dibɔra.

Mmarare 12:14

Hé kpɔa ba bela Korowii aa le tɛ heya dɛ le he deene la bɛl harɛ ta la, belaa chɛ kɛ hé ɛ wobɛlbwa maa dɛ do heyaa a ta nɔ.