Mmarare 18:12 - mzwDBL

¹² Korowii kii nɛn waa dɛ ɛ ɡɛ wedoŋa nɔ, a ɡɛ kii we-ɛɛla nɔ waa Korowii haa dɛ tomɔ nɔ tɔ he sie, dɛ doŋi ɡɛ harɛre nɛra baa dɛ ɛa dɛ do he sie la.

Mmarare 18:12 Referans Kwoze

Lewi Dea Tena 18:24

He bɛ he te kpɔ do ɡɛ waa nɔ bɛlbwa ta dɛ́ kah doŋa. Gɛɛ nɛra baa soɡe harɛ maa dɛ ba kpɔe tɛ heyaa nɔ ta ɛ, asɛ dɛ kah doŋa mɛɛ ba ba doŋa le o ta la.

Mmarare 9:4

Korowii haa dɛ tomɔ nɔ baa tɔ he sie dɛ doŋ ba le aa, a habɔɔ la he bɛ ba ŋɔ, ‘Ya nɛndɛɛɡa ɛɛ waa Korowii kpɔ harɛ nɔ tɛ yaa.’ Akai, ɡɛ nɛra nɔ nyubinikpeɡ waa Korowii ɛɛ ba sie tɔe dɛ́ doŋ ba le.

Lewi Dea Tena 18:27

dɛkalkɛ ɡɛɛ nɛra baa tɔ sie ba so harɛ nɔ ta la we-ɛɛla chɔɡ harɛ la o doŋ la.

Lewi Dea Tena 18:25

Ba we-ɛɛla chɔɡ harɛ la ɡba o doŋ dɛ ba deŋnetɛra ne o ta asɛ o lee ba tɛ.

Mmarare 14:27

Hé bɛ Lewi dea tena baa lɔ hé baah ta baa wola harɛ dɔe dɛ́ parɛ la vɔmɛ.

Ɛsekeɛl 31:11

Anomanta, n kpɔɔ do harɛre nɛra baa ɛ hɔɔhra la kooro nɔn ta, ásɛ o ɛo ɡɛ aa chɛa o nyubinikpeɡ la wa. N vɛoh.

Mmarare 9:5

A ta ɛɛ kɛŋɔ he ɛ nɛndɛɛɡa dɛɛ ɛ anɔ la aa wera waa hɛɛ la dɛ́ ka lɛ ba harɛ so. Ba nyubinikpeɡ waa ɡela Korowii ɛɛ ba he sie tɔe dɛ́ doŋ ba le tɛ heya, ásɛ dɛ ɡel waa waa koh a waa baɡɛ he naawa, Abraham ne Aesek dɛ Jekɔb nyoa la won che.

Mmarare 22:5

Haah ta chɛ kɛŋɔ ó do baa laala, ɡɛɛ baa ɡe aa wola chɛ kɛŋɔ ó do haah kwa. Korowii haa dɛ tomɔ nɔ kii ɡɛ.

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.