Mmarare 17:17 - mzwDBL

¹⁷ Kooro la bɛ haahna mo warɛ, a ba ɡɛ naa, waa sie Korowii waa taa do. O bɛ kondɔɔh kɛŋɔ suuɡapoŋa kɛɛ suuɡaswɛm kohona nyin.

Mmarare 17:17 Referans Kwoze

Nehemia 13:26

Hahmor aa do ken taa a che Israel Kooro Solomɔn ɛ wechɔɡa la. Dɛ o ɡwaa harɛre koranar bwa. Korowii waa dɛ tomɔ nyin o wa, dɛ cheɡo kora ta wɛɛ nyiŋi Israel tena nɛ. Kɛ ane a bwa, haahna baa ɛ nɛŋhɔɔhra moe ɡela o ɛ wechɔɡa.

Matiu 19:5

asɛ dɛ ŋɔ, ‘A waa baa ɛɛ ba o nya ne o mɛɛ jwɛɛh lee, dɛ́ kpɔ o te ka pɛl o haah, ásɛ ba nɛra banɛ la pɛ ɛ nɛmbeŋkpoŋ la.’

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Mumpar 2:24

A waa ɡela baa yon ɡel o nya ne mɛɛ, dɛ́ ka kpɔ haah ba yon pɛ so, dɛ́ ɛ beŋkpoŋ la.

Malakae 2:15

Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:9

Nɛra ba siwi aa swɛɛ suuɡa ta la dɛ́ chole. Suuɡa sibeɡra dɛ neɡ ba dɛɛ do pɛlchɔɡa ta, dɛ ɡel baa na wa, dɛɛ pɛlɛ konsale ne waa aa dɛ ba waa ne nɛ, dɛ yon ɡel ba chɔɡ kwaraa.

Amanesoma Luk Aa Chwera Tɔn 12:15

O ŋɔ ba be ŋɔ, “Hé ɡel he sie chɔ harɛ he nyiŋi kɛrɛdɛ dɛ bɛ kwaa dɛɛ kam, dɛkalkɛŋɔ nɛwɛnyini kondɔɔh kohona laa o mkpa.”

Matiu 13:22

Mea la aa lee sɔɔhne baah la cheɡɔ tɛ nɛra baa no waa nɔ, asɛ harɛ nɔ soɡa liire ne harɛ nɔ kondɔɔh waa beɡre ba sie, ba ta ɡelɛ waa la dɔ tɔnɔ.

1 Koranar 10:21

Kooro Solomɔn numoli bwa, suuɡaswɛmee ba kpɔ ɛa. Laala aa lɔ Lɛbanɔn Kɔr Bini Koodem ɡe, suuɡaswɛm tenten nee ba ɛ a bwa. Ba ta suuɡapoŋa kpɔe ɛ komɛlbwa dɛkalkɛŋɔ, Kooro Solomɔn bere saŋ la, dɛ suuɡapoŋa ta komɛlbwa ɛɛ, dɛ baa a ne wobɛlbwa ɛ.

2 Samoɛl 5:13

Kooro Devid aa ir Hɛbrɔn dɛɛ kaa Jerusalam la, o kpɔ o sɛnanar ne o haahna tenten bane ja kaa bela, asɛ o ne ba loɡle bibaala ne bihaahna kohona ja.

2 Samoɛl 12:11

Men Korowii, n ŋwɛɛrɔ kɛŋɔ he ɡbaɡba dem nɛnee mɛɛ ba ɡela ó kpɔ sibeɡra ba ta he nɛ. Mɛɛ lawɛ he haahnaa tɛ naate he siwi ta, ásɛ o laɡ ba chɔ webaŋa.

1 Koranar 10:27

O bere saŋ dɛ suuɡapoŋa ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, fiɡ daa aa cheɡɛ Juda harɛ deŋɡarere lɔɡre ken.

2 Webena 1:15

O bere saŋ dɛ suuɡapoŋa ne suuɡaswɛm ta nyae Jerusalam kɛŋɔ bwea aa wola nyae nɔ. Peleme daa baa kpɔa dɛɛ do deene ɡe bu kɛŋɔ, pure daa aa cheɡɛ Juda harɛ deŋɡarere lɔɡre ken.

2 Webena 11:21

Dɛ Kooro Rɛhoboam dɛ nyin Absalɔm bihaah Maaka dɛ ɡwaa o haahna ne o sɛnanar bwa. Dɛ o haahna lɔ fi dɛ banuatoro, asɛ o sɛnanar ɡe lɔ fifraanumɛl. O bibaala lɔ fifraanɛ dɛ banuatoro, asɛ bihaahna ɡe lɔ fifraanumɛl.

Sɛɡla 31:3

Bɛ he bokpeɡa chɔɡ haahna nɛ, ba ɡelɔ koranar ɛɛ chɔɡ.

1 Webena 14:3

Kooro Devid mo haahna warɛ Jerusalam bela, dɛ lolɛ bibaala ne bihaahna kohona.