Mmarare 17:14 - mzwDBL

¹⁴ Anee Mosis berɛ ŋɔ, “Dɛ he baa tel harɛ Korowii haa dɛ tomɔ nɔ aa kpɔa dɛɛ ba heyaa tɛɛ he dɔ dɛ so o ta dɛ lii kɛŋɔ, he chiɡ kooro wɛɛ nyiŋi he nɛɛ kɛŋɔ harɛre aa bar heyaa nɔ naa,

Mmarare 17:14 Referans Kwoze

1 Samoɛl 12:19

Ate, nɛra la bwa ŋɔ Samoɛl be ŋɔ, “Soŋe Korowii haa dɛ tomɔ la, ásɛ yan yaa ɛ he bonɔɔna nɔ bɛ serewe. Ya wechɔɡa la habɔɔ, ya berɔ ɛ wechɔɡa kɛŋɔ yaa ŋɔa ya dɛ nyin kooro la.”

Josua 1:13

“He bɛ soh kɛŋɔ Korowii bonɔɔ Mosis fa aa ŋɔ he be ŋɔ, ‘Korowii haa dɛ tomɔ la aa ŋɔa wɛɛ kpɔ harɛ waa chɔ Jɔɔdan Moo wee leebɔree tɛ heyaa he so o ta la.’

Mmarare 26:9

O kpɔ yaa ba harɛpare ondɛɛɡe nɔ ta dɛ ba kpɔ tɛ yaa.

Mmarare 26:1

Mosis berɔ ŋɔ, “Dɛ he kaa jo harɛ Korowii haa dɛ tomɔ nɔ aa kpɔa dɛɛ tɛ heyaa kɛŋɔ kapɛrɛ kon la ta naa,

Mmarare 18:9

Mosis berɔ ŋɔ, “Dɛ he tel harɛ Korowii haa dɛ tomɔ aa kpɔa dɛɛ tɛ heyaa la ta naa, he bɛ nɛra baa lɔ bela la ba chaa, dɛ́ hweli ba wedoŋa ŋwɛnɛre la. Korowii kia taeh.

Mmarare 11:31

He dɛ ba Jɔɔdan Moo la lee dɛ́ ka kpɔ harɛ Korowii aa kpɔa dɛɛ ba heyaa tɛɛ he so o ta la ta. He kaa kpɔ dɛ so o ta naa,

Mmarare 7:1

Mosis berɔ ŋɔ Israel tena la be ŋɔ, “Korowii haa dɛ tomɔ dɛ la he ne harɛ haa dɛ la ka so o ta ó ɛ he kon la ta naa, wɛɛ doŋi wobobele anuanɛ bwa nɛra baa kana dɛ do kpeɡri ɡwaa heyaa le ba harɛre ta tɛ heya. Banee Hiti ne Girɡasi ne Amɔre tena, ne Keenan ne Pɛrɛs ne Hivi dɛ Jebus tena.

Lewi Dea Tena 14:34

“Dɛ he jo Keenan harɛ maa kpɔa dɛɛ ba heyaa tɛɛ ó ɛ he kon la ta, asɛ nomɛl na kɛŋɔ n kpɔ konfɔɔla aa won bui ta dem bɛl danjwɛɛ ta naa,

Nɛra Kura 33:53

Hé kpɔ harɛ la ó ɛ he kon dɛ́ so o ta, n kpɔɔ tɛ heya.

Josua 21:43

Gɛɛ a do Korowii kpɔ harɛ waa baɡɛ Israel tena nyoa ŋɔ, wɛɛ kpɔɔ tɛ ba naawa la tɛɛ ba, asɛ ba ka kpɔ o ɛ ba kapɛrɛ kon dɛ so o ta.

1 Samoɛl 8:11

O ŋɔ, “He baa dɔ kooro aa, waa waa dɛ ba ɛɛ laanee nɔ. Wɛɛ kpɔ he bibaalaa ɛ o laa tena, bane so kwaa aa do kɛŋɔ torɔɡo ba vɔwɛ pɛl jaɡre la ta, ásɛ bane ɡe so jaɡre ta, bane ɡe chwa tɔ kwaa aa do kɛŋɔ torɔɡore ba kpɔ dɛɛ la laa la sie.

1 Samoɛl 10:19

Kɛ taraken he vɛh men Korowii haa dɛ tom mɛ, n lɛ heyaa le wahala ne wekpeɡa bwa ta la. He berɔ ŋɔ ń tɛ heyaa kooro wɛɛ tɔ he sie. Anomanta, he bwa ba cheme n sie deenaa ta.”

1 Samoɛl 10:25

Samoɛl kure kara mun mmarare baɡle nɛra la. O chwera do tɔn bini dɛ kpɔ ka bil Korowii sie bela. Asɛ Samoɛl ta ba ŋwɛnɛ, bɛlbwa kaa bela waa lea ba.

1 Samoɛl 16:3

Yerɛ Jese ó ba saraha la bɔr. Mɛɛ baɡle ɡɛ haa ɛ. Bɛl la háa fuɡe noo do o nyu ta la, dɛ onee n le kooro.