Mmarare 15:19 - mzwDBL

¹⁹ Anee Mosis berɛ ŋɔ, “Hé le he nae ne peera biloɡla aa ɛ ambala la cheɡ, a ɛ Korowii kwa. He bɛ he nae biloɡla kpɔ parɛ, he bɛ peera biloɡla ɡe pona fonɛ.

Mmarare 15:19 Referans Kwoze

Kaala 13:2

“Le bibanloɡle bɛlbwa cheɡ tɛ mɛ ó ɛ n kon. Israel te bibanloɡle bɛlbwa ne kondɛɛre bɛlbwa ɡe biloɡle ombal bwa ɛ n kwa.”

Kaala 13:12

a chɛ kɛ hé kpɔ bibanloɡle bɛlbwa tɛo. Kondɛɛre bɛlbwa ɡe biloɡle ombal ɛ Korowii kon.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 12:17

Komɛlbwa haa wola kpɔe tɛ Korowii la, hé dia bela haa soɡa, nemenɛ he mea bɔre fi bini bɔrbeŋkpoŋ, he sen bɔre fi bini bɔrbeŋkpoŋ, ɔleve noo bɔre fi bini bɔrbeŋkpoŋ, ne he nae ne peera biloɡla, dɛ he nyobaɡa kwaa ne he bambile bini kwa, dɛ saraha bɛlbwa aa jaa.

Nɛra Kura 18:17

Nao kɛɛ pee, kɛɛ booh biloɡle waa ɛ ombal te, he bɛ a nyuune charɛ. A te ɛ n kwa. Hé kpɔ a chale merɛ saraha kon la ta, ásɛ dɛ fuh a noorare la kɛŋɔ saraha baa dɛ fuah. A sɔɔh ɛɛ do men Korowii somee.

Nɛra Kura 18:15

Israel tena bibanloɡla ne ba konaatena biloɡla ambala baa kpɔ ba tɛ mɛ la ɛ he kwa. Kɛ bibanloɡla ne konaatena baa kia biloɡla ambala te, a chɛ kɛ hé ɡel ba charɛ a nyuune.

Lewi Dea Tena 27:26

Nomɛlbwa bɛ kondɛɛre biloɡle kpɔ ba tɛ mɛ, dɛkalkɛ a ɛ n kwaa wubwa. Dɛ nao kɛɛ peerii yoo, o ɛ n kon.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Nɛra Kura 3:13

N kpɔ Lewi dea tena le Israel tena bini, dɛ kpɔ chiɡ Israel bibanloɡle naa ta, ba ɛ n kwa. Menee Korowii.”

Kaala 34:19

Bibanloɡle ne kondɛɛre bɛlbwa ombal waa ɛ biloɡle ɛ n kon.

Tɔn Pɔɔl Aa Chwerɛ Rom Tena 8:29

Nɛra Korowii aa jemɛ ba waa cheɡ wubwa la, waa wola ban tae mɔɔ la, dɛ o tɔ sie lee ba ŋɔ bá ba do kɛŋɔ o Bie la ken, ásɛ ba bwa ɛ o Bie la nimanar, ásɛ o ɡe ɛ ba Dɔɔ.

Kaala 22:30

Gɛ tentenee chɛ kɛŋɔ hé ɛ he nae ne peera bwa ta. Hé ɡel a do a nyare be yawanyoa, ásɛ tɔpenuatoro ta la, hé kpɔa ba ɛ saraha tɛ mɛ.

Mmarare 15:18

Bɛ ɡel á do kpeɡri tɛ heyaa kɛ haa dɛ ta he yoma ŋwɛnɛ ba kpɔ ba te kaa. Dɛkalkɛŋɔ ba toma baa ɛa tɛ heyaa bene anumɛl la do kɛŋɔ paa tena banɛ toma. Korowii haa dɛ tomɔ nɔ ɛɛ swee andɛɛɡaa tɛ heyaa he wobɛlbwa haa dɛ ɛ la ta.”

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.