Mmarare 14:29 - mzwDBL

²⁹ Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”

Mmarare 14:29 Referans Kwoze

Mmarare 15:10

Bɛ on nyubinikpeɡ ɛ, ta tea dɛ́ kpɔ tɛo pɛɛpɛɛ, ásɛ Korowii ɡel he dɔ andɛɛɡa wobɛlbwa haa dɛ ɛ ta.

Mmarare 14:27

Hé bɛ Lewi dea tena baa lɔ hé baah ta baa wola harɛ dɔe dɛ́ parɛ la vɔmɛ.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Mmarare 16:11

Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.

Sɛɡla 11:24

Nomɛl nɔn dɛ pili kɛ dɛ ta ɛɛ dɔ, asɛ bɛl ɡe nɔn aa pili kɛ dɛ ɡe nya.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Mmarare 16:14

Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.

Mmarare 12:12

Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Lewi Dea Tena 19:34

Hɛ́ɛ ɛɛ ba kɛŋɔ he bala Israel tena, dɛ́ɛ nyin ba wa kɛŋɔ he ɡbaɡba. He na kɛŋɔ he ɡbabir fa ɛ hɔɔhra Ijipt harɛ ta ka. Menee Korowii haa dɛ tom mɛ la.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Hibru 13:2

He bɛ soh kɛŋɔ a chɛ kɛ hɛɛ lɛ hɔɔhra dɛɛ nyiŋ ba kɛrɛdɛ. Bane ɛ ɡɛ dɛ nyiŋi nyundua toroma, dɛ baa jemɛ.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Nɛra Kura 18:20

Korowii berɔ ŋɔ Arɔn be ŋɔ, “Haa dibɔr bɛlbwa Israel harɛ la taa dɔ ó ɛ he kapɛrɛ kon. Menee he dibɔr ne he kapɛrɛ.

Mmarare 6:11

ne deene kondɛɛɡa aa sua he laa nyina do, ne buli haa wola an kwii, ne daa kooni ne ɔleve kooni he laa dua, asɛ he di kwaa dɛ vaɡɛ aa,

Mmarare 10:9

Anee ɡela Lewi dea tena ta harɛ waa baɡ ba nyoa la pera dɔe kɛ ba bala la. Korowiirii ba kaparɛ kon, ɡɛ Korowii haa dɛ tomɔ nɔ aa ŋɔ ba be la.

Yela 94:6

Ba dɛ kpoo luhaahna ne bilalbii, dɛɛ kpoo nɛŋhɔɔhra baa soɡe ya harɛ ta.

Aesaya 1:17

dɛ́ do sie wedɛɛɡa ɛɛ ta! Hɛ́ɛ teŋɛ kasinteŋ ŋwɛnɛ ta, dɛɛ cha nɛra baa dɛ ɛɛ ba hɔhɔrɔwa. Hɛ́ɛ bol bilalbii ne luhaahna waa dɛɛ tɛɛ ba.

Mmarare 23:21

Dɛ he baɡɛ Korowii haa dɛ tomɔ nɔ nyoa aa, chuɡra warane ásɛ a bɛ wechɔɡa ba berɛ tɛɛ. A ɛ wobɛlbwa Korowii haa dɛ tomɔ nɔ ɛɛ lɛo le he be.

Mmarare 28:8

Korowii haa dɛ tomɔ nɔ ɛɛ cha heyaa he toma taa, ásɛ he dɔndɔŋre su mea. Wɛɛ cha heyaa harɛ waa kpɔa dɛɛ tɛ heyaa nɔ taa.

Yela 41:2

Korowii dɛ́ tɔ ba ɡbemɡbe, ásɛ ba soɡa bini do wer, o swee andɛɛɡa dɛɛ tɛɛ ba harɛ la ta, ba dɔma lii wechɔɡa tɛɛ ba aa, o kpɔ nɔn dɛɛ tɔ ba nɛ.