Biblia Todo Logo
Bib sou entènèt

- Piblisite -




Mmarare 12:12 - mzwDBL

12 Belaa he ne he bibaala ne bihaahna ne bonɔɔna, dɛ he toli sie ɛɛ ba lɛɛ Korowii haa dɛ tomɔ nɔ sie, ne Lewi dea tena baa soɡe he bwɛɛre ta ba ɡbaɡba aa wola harɛ dɔe la.

Gade chapit la Kopi




Mmarare 12:12
30 Referans Kwoze  

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.


Bene atoro bɛlbwa he bɔne he koo kwaa bini bɔre fi, ásɛ dɛ kpɔ bɔrbeŋkpoŋ tɛ Lewi dea tena ne hɔɔhra ne bilalbii dɛ luhaahna baa soɡe he baah la, ásɛ ba bwa dɔ di dɛ vaɡre. He ɛ ɡɛ tonaa,


Anee ɡela Lewi dea tena ta harɛ waa baɡ ba nyoa la pera dɔe kɛ ba bala la. Korowiirii ba kaparɛ kon, ɡɛ Korowii haa dɛ tomɔ nɔ aa ŋɔ ba be la.


Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”


Hé nyiŋi kɛrɛdɛ dɛ bɛ Lewi dea tena la ba ta he soɡa bini bwa harɛ la ta.


Hé kpɛɛ Korowii! A wer kɛ yá ɡo yela kpɛɛ Korowii yaa dɛ tomɔ, a dɔ silɛɛ dɛ chɛ kɛ yá kpɛɛro.


Kooro Hɛsɛkea ne nɛra la bwa sie lɛo, Korowii chae waa cha ba ba ɛ a ɡɛ waa la bwa warane la.


Tɔ aa pera la, Kooro Solomɔn tɛ bɛlbwa ŋwɛnɛ o kaa o bwɛ. Ba sie lɛ andɛɛɡa Korowii aa sweera tɛ o nɛra Israel tena ne Kooro Devid dɛ Solomɔn la wa.


Josef dea tena lɔ bele banɛ, Manasɛ ne Efrem deene tena. Lewi dea tena ta harɛ la bɛlbwa dɔe, nemenɛ bwɛɛre waa ɡela ba so a ta ne bela waa tɛɛ ba ŋɔ ba nae ne peera ɛɛ di la ɡbo.


Kɛ Lewi dea tena la te, Mosis ta ban harɛ tɛɛ o ɛ ba kapɛrɛ kon. O ŋɔ ba be ŋɔ kwaa nɛra aa kpɔ ba ɛ saraha dɛɛ tɛ Korowii Israel tena aa dɛ tomɔ la peraa dɛɛ ba ba kwaa ɛɛ.


Korowii berɔ ŋɔ Arɔn be ŋɔ, “Haa dibɔr bɛlbwa Israel harɛ la taa dɔ ó ɛ he kapɛrɛ kon. Menee he dibɔr ne he kapɛrɛ.


Mosis ta Lewi dea tena la te harɛ tɛɛ, kwaa nɛra aa kpɔ ba fuh ɛ saraha tɛ Korowii Israel tena aa dɛ tomɔ laanee chɛ kɛŋɔ bá dɔ. Gɛ Korowii aa ŋɔ Mosis be la.


ó bol Lewi dea tena la be ŋɔ, “Dɛ he dɔ dibɔr bɔrbeŋkpoŋ la le kwaa Israel tena aa bɔne a bini fi la ta naa, hé ɡe bɔne a bini bɔre fi, dɛ́ kpɔ bɔrbeŋkpoŋ tɛ men Korowii a ɛ saraha tɛo.


Lewi dea te bɛlbwa waa so Israel harɛ bwɛɛ bɛlbwa ta dɛ nyin aa, wɛɛ won ba bela Korowii aa lea cheɡ ŋɔ hɛɛ tomɔ bela la,


Hé ne he bii, ne he bonɔɔna ne toli, dɛ Lewi dea tena ne hɔɔhra, ne bilalbii, dɛ luhaahna baa lɔ he bwɛɛre la ta bwa pɛ, dɛ́ di lɛ he sie.


Hé ne he bii, ne he bonɔɔna, ne toli ne Lewi dea tena, ne hɔɔhra ne bilalbii, dɛ luhaahna baa lɔ he bwɛɛre la ta bwa pɛ, dɛ́ lɛ sie bela Korowii aa lea tɛ heyaa ŋɔ hɛɛ tomɔ la.


Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”


He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.


He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.


Ásɛ he ne Lewi dea tena ne hɔɔhra baa lɔ he baah la sie lɛ kondɛɛɡa Korowii haa dɛ tomɔ nɔ aa kpɔa tɛ he ne he dem tena la wa.


Ate, Nehemia waa ɛ harɛ la ta nomoa, ne sɔfo Ɛsra waa ɛ tɔnjereme, dɛ Lewi dea tena baa baɡle waa la bini tɛ nɛra la ŋɔ, “Fini tɔpere do ɡoroŋ tɛ Korowii haa dɛ tomɔ, he bɛ wi.” Dɛkalkɛ nɛra la aa dɛ no waa la, dɛ ba dɛ wi.


Tɔpere waa tɔ sie la, hé kpɔ daa nɔna aa wera kohona, dɛ́ kpɔ bambie papooni ne daa a papooni aa wara ne daa ane aa cheɡɛ nee nyoa a fee warɛ a ta, dɛ lɛ he sie tɔpera anuanɛ men Korowii haa dɛ tom mɛ nɔ sɔn ta.


Hé ɛ deŋnesɔɔhna saraha bela, dɛ́ di dɛ́ lɛ sie Korowii haa dɛ tomɔ nɔ sie.


Swiv nou:

Piblisite


Piblisite