Mmarare 1:44 - mzwDBL

⁴⁴ Belaa Amɔre tena baa soɡe bela la le ba tɔ he nɛ, dɛ ɡbaa heyaa kɛŋɔ toohna, dɛ kpoo heyaa le Sɛɛ ka tel Hɔrma.

Mmarare 1:44 Referans Kwoze

Yela 118:12

Ba warɔ bar mɛ cheme, kɛŋɔ toohna ken, kɛ ba serewɔ wɔrɔbe nɛ, kɛŋɔ nii aa le sɔɔhne baah ken, asɛ Korowii che n habɔɔ, dɛ ɡel n pɔ ba nɛ.

Nɛra Kura 14:45

Ate, Amalɛk ne Keenan tena baa soɡe deŋɡarere harɛ la ta la tu ba lɔ tɔ ba nɛ, ba lɔɔ ba dɛ doŋ ba ka tel bwɛɛ Hɔrma ta.

Aesaya 7:18

Gɛ saŋ Korowii ɛɛ fooloo yerɛ Ijipt harɛ ta nɛra baa lɔ nee nyoa bojaŋ bá wur ba kɛ chwɛɛhne ken, ne Asiiria tena ba ɡe warɛ ba kɛŋɔ toohna ken.

Nɛra Kura 21:3

Asɛ Korowii no ba wesoŋa la, dɛ laa nɔn kpɔ Keenan tena la nɛ, dɛ ɡel Israel tena pɔ ba nɛ. Ba kpoo ba, dɛ chɔɡ ba bwɛjena bwa. Anomanta, ba pa bela sɔn Hɔrma.

Mmarare 32:30

Dɛ Korowii waa ɛ he Bwetal dɛɛ lɛ heyaa la laa le he habɔɔ aa, ɛrɛɛ nɛmbeŋkpoŋ fe ɛɛ ba wona doŋi nɛra kaɡboŋ, kɛɛ nɛra banɛ won doŋi nɛra kaɡboŋa fiɔ?

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Josua 7:5

Ai tena doŋi Israel tena la le ba bwɛɛ doonyojen ta, dɛ kaa ba ne bobɛl baa dɛ pɛɡre bwea baa yerɔ Sebarem, dɛ kpoo ba nɛra fifraatoro dɛ banumɛl ŋwɛnɛ waa chɔa tu deŋɡare la ta. Israel tena baa ka dem la aa no waa la, ba bwara yɔrɔ taeh, ba sɔɔh kɛŋɔ noo ken.