Mmarare 1:28 - mzwDBL

²⁸ Leperaa yaa ba chaɡa ɔ? Ya bala baa laŋa ka sɔh nyiŋi harɛ la ŋɔ, nɛra baa lɔ harɛ la ta bwara kpeɡri, ba kpeɡo ɡe kohona dɛ ɡwaa yaa. Ba bwɛjena, ba ma danjwɛkpeɡa a kaa nyundua bara, nomɛlbwa aa wola won dɔ bɔr jo a ta. Dɛ ba na Anak naanar bela, ba kpeɡo kɛrɛdɛ.’

Mmarare 1:28 Referans Kwoze

Sitɔɔla 1:20

Ba kpɔ bwɛjen Hɛbrɔn tɛ Kaleb, ɡɛ Mosis aa bola la, asɛ o doŋi Anak tena deene atoro nɛra baa lɔ bela la.

Josua 15:14

Kaleb doŋi Anak naanar baa soɡe bela la bwa le bwɛjen Hɛbrɔn la ta. Dɛ nɛmbele batoro baa ɛ Anak tenaa lɔ bela. Banee Sɛsae ne Ahiman dɛ Talmai tena.

Josua 14:8

Nɛra n ne baa laŋa la ɡelɔ ya nɛra la bwara yɔr baa ɔmɛ, kɛ n te, dɛ n dɛ yarada Korowii kɛrɛdɛ.

Josua 11:22

A ɡɛ Anak tena nɔ bɛlbwa ta Israel harɛ ta kae. Nemenɛ bwɛjena ane baa dɛ yera Gasa ne Gat dɛ Asdɔdee tamaa bane ka.

Ɛsekeɛl 21:7

Dɛ ba bɔɔre ŋɔ, ‘Ɛrɛɛ he bambile chɔɡ hɛɛ hime kohona naa’, ŋɔ ba be ŋɔ, ‘Waa a taa lɔ sie dɛɛ ba bala waa. Ɔmee ɛɛ lawɛ nomɛlbwa kohonaa ba bwara ɛɛ sa, ba bambile chɔɡ, ba bwara yɔr.’ A dɛ ba bala. Aa bao ɡe. Men Nemenɛ Korowiirii bola.”

Aesaya 13:7

Gɛ saŋ telaa, nomɛlbwa bwara ɛɛ yɔroo, ásɛ ba hwɛɡa ɡe tonɛ.

Sitɔɔla 1:10

Ba berɔ ka pu Keenan tena baa soɡe bwɛjen Hɛbrɔn la yo, dɛ pɔ Sɛsae ne Ahiman dɛ Talmai deene tena nɛ.

Josua 2:24

Ba ŋɔ o be ŋɔ, “Ya nao kɛŋɔ Korowii kpɔ harɛ la bwa do ya nɔn ta. Bela tena bwa jum jah ya wa.”

Josua 2:11

Yaa no ɡɛ la, ya jum jaoh ya bambile chɔɡ ɡɛ haa ɛa la wa. Dɛkalkɛŋɔ Korowii haa dɛ tomɔ laanee nyundua ne harɛ bwa kooro.

Josua 2:9

dɛ ŋɔ ba be ŋɔ, “N nao kɛŋɔ Korowii kpɔ ya harɛ nɔ tɛ heya, a ɡelɔ ɔmee kohona lawɛ yaa he wa. Nomɛlbwa waa lɔ harɛ nɔ ta no he wa aa, dɛ o bwara yɔrɔ.

Mmarare 20:8

Sitɔɔla la teŋɛ dɛ bol ja ŋɔ, ‘Hé bini bɛlbwa o bwara aa yɔra wɛɛ ɔmɛ la, kaa dem dɛ bɛ ba kpɔ maah o bala.’

Kaala 15:15

Ɔmee ɛɛ lawɛ Edom koranaree kohona, Moab nomonome bwara yɔr baa chel, Keenan tena ɡe bwa ɛɛ heo kwara.

Mumpar 11:4

Belaa ba yerɛ dɔŋa dɛ ŋɔ, “Amɔ hé ɡel ya pɛ nyoa, dɛ́ vɔrɔwe bwɛjen dɛ́ ma dejaŋ o ka tel nyundujaɡla, ásɛ a ɛ sɔn tɛ yaa ya bɛ lɔ peɡre harɛ nɔ ta.”

Mmarare 1:29

Anee men Mosis ŋɔ, ‘He bɛ ɡel he bwara yɔr.

Mmarare 2:10

Nɛra bane baa dɛ yer ba Emi tenaa fa soɡe Ar bela. Ba kpeɡo dɛ warɛ kɛrɛdɛ dɛ do kpeɡri kɛŋɔ Anak tena ken.

Mmarare 7:17

He bɛ dɛɛ bol kɛŋɔ, ‘Nɛra nɔ sii ya nɛ, ɛrɛɛ yaa ba ɛɛ dɛ́ won doŋ ba ɔ?’

Mmarare 20:20

Daa baa wola a nɔna di kɛɛ aa wola tɔnɔ dɔe la te, hɛɛ won teŋna, dɛ́ pa darawe dɔŋa nɛɛ bar bwɛɛ la, dɛ́ yoo ba ka tel kɛŋɔ haa pɔ ba nɛ.”