Matiu 8:26 - mzwDBL

²⁶ Anee Yeesu ŋɔ, “Oo! Ɛrɛɛ hɛɛ ɔmɛ kohona ɡɛ nɔɔ? Haa men yarada kwaraa!” Asɛ o den ir, dɛ kɔr peujen la ne nehɛma la ŋɔ á ɡel ɡɛ. Waa bol ɡɛ la, dɛ bɔr denɔ hel kerkerker ken.

Matiu 8:26 Referans Kwoze

Yela 65:7

He ɡelɔ mpo nehɛma sii nyoa hel, asɛ harɛre nɛra nyoa sɔɔh, moola baa dɛ moo ta.

Yela 89:9

Mpo nehɛma dɛ ta kohona naa, henee dɛɛ di kpeɡri o ta, he wono ɡel wɛɛ hel.

Matiu 6:30

Kpɔɡa haa naa a do wer fini, ásɛ kere ɡbo dɛ a serewɔ bá fuah nɔ, dɛ Korowii ɡelɔ a do wer ken naa, ɛrɛɛ waa wola won tɔ heyaa yal ɡwaala ɔ? He yarada aa kanɛ kwara!

Tɔn Pɔɔl Aa Chwerɛ Rom Tena 4:20

O ta tɔŋlɛ tamaa bɛlbwa kɛŋɔ Korowii aa won ɛ waa waa baɡɔ nyoa laanee. O ta Korowii yaradae ɡelɛ bwa. Dɛ name kwaraa o ta dɔ yarada kohona, dɛɛ jam Korowii.

Matiu 16:8

Yeesu aa no waa baa dɛ pɛɛ dɔŋa la, o pɛɛ ba ŋɔ, “Ɛrɛ waa hɛɛ pɛɛ dɔŋa paanoo bɛ dɔe waa nɔɔ? Haa men yarada kwara!

Wepila 10:2

O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ,

Habakuk 3:8

N Naa Korowii, he baah di neerare nɛɛ kɛɛ? He bandia lɔ nenabɔɔne nɛɛ kɛɛ? Mpo nɛɛ he baah di, ɡɛ saŋ haa soɡe he jaɡre, ne torɔɡore baa vɔrɔwa pɛl a nɛɛ dɛɛ la ka yo nɛra dɛ́ pɔ ba nɛɛ kɛɛ?

Neehum 1:4

O dɛ bol wa mpo hweeh, dɛ́ ɡel neerare bwa hweeh. Basan harɛdɛɛɡe ne Kaamɛl Bwejen bwa dɛ hol, asɛ Lɛbanɔn daa fee bwa ɡe ɛɛ serewe.

Aesaya 63:12

Korowii aa cheɡɛ o kpeɡri ta dɛ ɡel Mosis ɛ wejena mpo teŋe la, o lɛ sɔn waa wola jaɡa dɔe.

Matiu 8:27

A ɛ nɛra la bwa nyokpoa baa pɛɛ dɔŋa ŋɔ, “Nɛn besoo siwii nɔ, peu ne nehɛma ɛɛ no o wobol nɔɔ?”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Amanesoma Luk Aa Chwera Tɔn 4:35

Anee Yeesu kɔr kwaa la aa lɔ baa la nɛɛ la ŋɔ, “Hé tɔ nyoa dɛ́ le o nɛ!” Belaa a lɔ baa la bil nɛra la siwi ta. A ta on wobɛlbwa ɛɛ, dɛ le o nɛɛ dɛ kaa.