Matiu 8:25 - mzwDBL

²⁵ O habɔteŋra la kaa chumu dɛ ŋɔ, “Ya Dɔɔ, lɛ yaa! Ya dɛ ba serewa!”

Matiu 8:25 Referans Kwoze

Jona 1:6

Nomoa waa dɛ nyiŋi stiimae la ta la, la Jona be dɛ ka na kɛŋɔ o chɔ dom kwaraa. Asɛ o chumu dɛ ŋɔ, “Bɔree he te dɔ dɛ chɔ aa? Ir, dɛ́ wi yerɛ he voɡ haa dɛ tomɔ, o ken ɛɛ na ya sumii, dɛ́ lɛ yaa le waa nɔ nyoa, ásɛ ya dɔ ya nyu.”

Amanesoma Luk Aa Chwera Tɔn 8:24

Anee o habɔteŋra la chumu dɛ ŋɔ, “Nomoa, ya serewɔ tonɛ!” Belaa o ir dɛ kɔr peu la ne nehɛma la, asɛ a hel, asɛ bɔr hel kerker ken.

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

Yela 10:1

N Naa Korowii, ɛrɛɛ n ne he baah do jaŋne ken nɔɔ? Ɛrɛɛ waa puu mɛ, he sɔɔh mɛ nɔɔ?

Matiu 8:2

Asɛ baa bɛl weechɔɡa aa ɛ o bwara ba, dɛ ba ɡuŋi o sie dɛ ŋɔ, “N Dɔɔ, hɛɛ sɛoh waa, hɛɛ wonoo ɡel n bwara kwaa.”

Matiu 8:24

Buɡ la ta, dɛ peujen bɛl dɛ ta moo la sie, asɛ nehɛma ɡel ba ɡbera la ɛɛ ba mora. A ɡɛ saŋ nɔ dɛ Yeesu te chɔ dom ɡbera la bini.

Matiu 9:18

Yeesu ta aa dɛ bol waa nɔ la, cheremi dea nomoa bɛl baa ɡuŋi o sie dɛ ŋɔ, “N bie sewɔ taraken. Kɛ ba kpɔ nɔn dawɛ o nɛ, ásɛ o berɛ ir.”